Американинг Tesla компанияси Standard Range Plus модификациядаги Model 3 электромобили билан Япониянинг Toyota Camry седанига эгалик қилиш учун қанча харажат кетишини таққослади. Рақамларга кўра, седанларга беш йил давомида эгалик қилиш ва 60 минг мил (96,5 минг километр) йўл босиш учун деярли бир хил маблағ сарфланади. Шу билан бирга, Америка электрокари Аudi ва BMW каби немис рақибларидан тежамлироқ, деб хабар беради Motor.
Tesla’нинг янги ҳисоботида таъкидланишича, АҚШда Model 3 Standard Range Plus’нинг нархи Аudi ва BMW’нинг премиум моделлари билан бир хил даражада, бироқ электрокар седанга эгалик қилиш Америка бозоридаги энг машҳур ҳамёнбоп седан — Toyota Camry’дан арзонроққа тушади. Албатта, 100 минг километр учун электр энергиясига кетадиган харажатлар ёнилғидан анча арзон, аммо Tesla ҳисоб-китобларида амортизация ва суғурта қиймати ҳам инобатга олинган. Беш йил давомида Tesla Model 3 га эгалик қилиш давомида ҳар бир мил учун 55 цент сарфлашга тўғри келади.
Ҳисоб-китоблар Model 3 седанининг қолдиқ қийматларига, шунингдек, техник хизмат кўрсатиш, электр энергия ва бошқа омиллар каби кенг кўламли маълумотлар базасига асосланган. Бензин ёки электр энергияси, мунтазам хизмат кўрсатиш ва шиналар Model 3 учун Camry харажатларининг ярмидан сал кўпроғини ташкил этади. Таъкидланишича, маълумотларнинг барчаси 2020 йилга тааллуқли, бу вақт ичида Tesla нархи қимматлашишга улгурган.
Аввалроқ энг тезкор Tesla соатига салкам 100 км тезликка 1,99 сонияда эришгани, Илон Маск Tesla’га энди оддий рул чамбараги қайтмаслигини тасдиқлагани тўғрисида хабар берилганди.
Изоҳ (0)