Бугун,

  • USD 11095.31
  • RUB 173.84
  • EUR 10772.44

Афғонистонда ҳукуматнинг алмашиши билан юзага келган кескин вазиятга қарамай, Тошкент ва Кобул ўртасидаги савдо-иқтисодий алоқлар тез орада қайта тикланиши керак. Бу каби фикрни «Термиз карго маркази» логистика терминали директори Нодирбек Жалилов «ТАСС» мухбири билан субҳатда маълум қилган.

Фото: ЎзА

Фото: ЎзА

«Ишончим комилки, Ўзбекистон ва Афғонистон ўртасидаги савдо ҳажми яқин ҳафталар ичида нафақат қайта тикланади, балки эҳтимол ошади», — дейди Жалилов. Унинг фикрича, Афғонистон билан савдо алоқаларига ушбу мамлакатдаги коррупцияга ботган амалдорлар сезиларли таъсир кўрсатиб келган.

«Ашраф Ғани даврида коррупция барча соҳаларга кириб борди, айниқса, халқаро ташувларга. Қоидага кўра, Термиз—Ҳайратон назорат-ўтказиш пунктида экспортчи ва транзитчилар барча бож тўловларини тўлаган, аммо Афғонистон ҳудуди бўйлаб ҳаракатланиш вақтида ушбу маблағ яна уч—тўрт баробар ундириб олинган», — дея тушунтиради Жалилов. Унинг сўзларига кўра, «Толибон»нинг бундан олдинги ҳокимлиги даврида бу каби коррупцияга қаттиқ чора кўрилган.

Жалиловнинг айтишича, авваллари Термиз—Ҳайратон кўпригидаги назорат-ўтказиш пункти орқали йилига 5 миллион тоннагача турли юклар ўтказилган бўлиб, уларнинг, тахминан, 70 фоизи Афғонистон орқали транзит йўл билан Покистон портларига қадар етказилган. Ўзбекистон Афғонистонга, асосан, ёқилғи-мойлаш материалларини етказган бўлса, Афғонистон эса Ўзбекистон орқали Европага қуруқ меваларини чиқарган.

Эслатиб ўтамиз, 15 август куни «Толибон» Афғонистоннинг бутун ҳудудини ўз назорати остига олганини эълон қилди. 16 август куни Афғонистон фуқаро авиацияси авиакомпанияларга мамлакат ҳаво ҳудудини айланиб ўтишни тавсия этди.

Изоҳ
Асосий янгиликлар
Маҳаллий
Ўзбекистонлик олимлар онкологик касалликларни 99 фоизгача даволайдиган дори ишлаб чиқарди
Дунё
Туркияда эркак ўзи билан бирга яшаган ўзбекистонлик аёлни тош билан ўлдириб, жасадини бўлаклаб, музлаткичда сақлагани аниқланди (видео)
Иқтисодиёт
Ўзбекистонда электромобиллар сотуви рекорд даражага етди