Вояга етмаган 11 ёшли бола 1973 йилда туғилган амакиси томонидан икки йил давомида зўрлаб келинган. Бу ҳақда блогер Ақида Ханум Facebook’даги саҳифаси орқали маълум қилди.
Кадр: Telegram
«3 нафар фарзандим бор. Турмуш ўртоғим билан кўп жанжаллашиб қолардик. Ҳатто турмуш ўртоғим уйимизни сотиб, бизни кўчага ҳайдаган пайтлар бўлди. Бир кунда 40-50 литр сут сотиб келганимда ҳам шу ўғлим билан битта нон олиб ердик, холос. Рўзғоримизга ёрдам бўлсин, дея ортиқча нарса емасдим. Эр-хотин битта чорва фермасида ишлардик. Бир куни ўғлимнинг зўрланганини билиб қолдим. Шунда турмуш ўртоғимга акангиз ўғлимизни зўрлаб қўйибди, хабарингиз борми, десам, ҳа биламан. Лекин нима қилай, у менинг акам. Сўйиб ташламайман-ку, деди», — гапириб беради боланинг онаси.
https://www.facebook.com/aqida.ҳанум/видеос/343274494128833
Аниқланишича, аёл ўғлини 7 ёшида қайнакасига фарзандликка берган.
«Бу иш 2018 ёки 2019 йилда бошланганди. Биринчиси бувамнинг томорқасига экинларни суғоришга борганимизда бўлган. Иккинчиси 3-4 ойдан кейин қўйимиз туғганида шуни эмизишга бирга борганимизда бўлган. Оғриқ зўридан кўпинча бувамга айтмоқчи бўлганман, аммо айтолмаганман. Бу иш анчадан бери давом этиб келарди. Бир куни ноилож бувамга айтишга мажбур бўлдим. Ўтган йили май ойида ойим мени шифокорга олиб бордилар», — дейди 11 ёшли бола.
Маълум бўлишича, шифокор, маҳалла профилактика инспектори ва бошқаларнинг гапларига қарамай, боланинг онаси, буваси андиша сабабли 48 ёшли амакига қарши иш очишни рад қилган.
Аввалроқ Бухорода 14 ёшли қизни зўрлаб келган чўпон 3 йилга озодликдан маҳрум қилингани, Андижонда 65 ёшли эркак қўшнисининг вояга етмаган ногирон қизини мунтазам зўрлаб келгани тўғрисида хабар берилганди.
