Туркия 2021 йилнинг иккинчи чорагида туризм соҳасидан 3 миллиард 3 миллион 628 минг доллар даромад олган. Бу ҳақда «RusTurkey.com» хабар беради.
Туркия статистика институти (TÜİK)нинг маълум қилишича, туризмдан тушган даромаднинг (мобил алоқа, транспорт воситаларидан фойдаланиш ва яхта хизматларини ҳисобга олмаганда) 73,1 фоизи хорижлик сайёҳлардан олинган. Хорижда истиқомат қиладиган Туркия фуқароларининг мамлакатга ташриф буюриши эса 26,9 фоизни таъминлаган.
Қайд қилинишича, апрель—июнь ойларида саёҳатчиларнинг шахсий харажатларидан 2 миллиард 436 миллион 913 минг доллар, туристик тўпламлардан эса 566 миллион 716 минг доллар келиб тушган. Сайёҳлар кунлик турар жой учун ўртача 57 доллар сарфлаган. Жумладан, чет эллик сайёҳларнинг ўртача харажати 64 долларни, мамлакатга келган хорижда истиқомат қилувчи туркияликларнинг ўртача харажати эса 44 долларни ташкил қилган.
2020 йилда Туркиядан 4 066 210 сайёҳ: 77,3 фоиз хорижликлар (3 144 815), 22,7 фоиз (921 395) диаспора вакиллари жўнаб кетган.
Ҳисоботда қайд этилган даврда 70,3 фоиз хорижлик Туркияга, асосан, саёҳат қилиш, спорт ва маданий тадбирларда иштирок этиш ҳамда кўнгил очиш мақсадида ташриф буюрган. Шунингдек, 14,8 фоиз сайёҳлар қариндош ва дўстларининг ҳолидан хабар олиш, 6,7 фоизи эса касби билан боғлиқ фаолиятни (конференция, учрашувларда иштирок этиш) амалга ошириш мақсадида келган, дейилади хабарда.
Мавзуга доир:
- Истанбул романтикаси: турк қаҳваси, гилам бозори, чағалайлар бўлган шаҳарнинг энг яхши жойлари (фото)
- Фото: Истанбулнинг машҳур Бейўғли туманидаги қадамжоларга назар
- «Муҳташам юз йил» сериалидаги Султон Сулаймон қароргоҳи, Туркиядаги энг оммабоп иккинчи музей Тўпқопи саройи (фото)
- Фото: Турк ва юнон маданияти қоришган қадимий қишлоқ — Силле
- Тузли қаҳва, пластик торт, хина кечаси: Турк тўйлари қандай ўтади?
Изоҳ (0)