Тошкент вақти билан 1 август тонгида яккурашлар бўйича бир қатор йирик мусобақалар ўтказилади.
Лос-Анжелесда Bellator 263 мусобақаси бўлиб ўтади. Унинг асосий жанги Патрисиу «Питбул» Фрейра ва Эй Жей Макки ўртасида кечади. Шунингдек, ушбу Bellator оқшомида россиялик яккакурашчи Усмон Нурмагомедов ҳам ўз жангини ўтказади. Унга Луис Муро рақиб бўлади.
Bellator 263 мусобақаси Тошкент вақти билан 02:00 да бошланади. Нурмагомедовнинг жанги эса 06:00 дан кейин бошланиши кутилмоқда.
Лас-Вегасда эса UFC Vegas 33 мусобақаси бўлиб ўтади. Мазкур MMA кечасида ўзбекистонлик яккакурашчи ЗаррухАдашев ўзининг UFC’даги учинчи жангини ўтказади. Унга АҚШ вакили Райан Бенуа рақиб бўлади. Ҳар икки спортчи сўнгги иккита жангни мағлубият билан тугатган. Бу улар учун сўнгги имконият ҳисобланади. Оқшомнинг марказий жанги эса Юрая Ҳолл ва Шон Стрикленд ўртасида кечади.
UFC Vegas 33 мусобақаси Тошкент вақти билан 03:00 да старт олади. Адашевнинг жанги тартиб бўйича иккинчи бўлиб, 03:20 атрофида старт олади.
UFC Vegas 33 асосий карди билан танишинг:
- Юрая Ҳолл (18-9) — Шон Стрикленд (23-3);
- Кюн Ҳо Кан (17-8) – Рани Яя (17-10-1);
- Шеянни Байс (5-2) – Глория де Паула (5-3);
- Жаред Гуден (17-6) – Никлас Штольцэ (12-4).
+91 кг вазн тоифасида Ўзбекистон шарафини ҳимоя қилаётган Баҳодир Жалолов 1 август куни чорак финалда Ҳиндистон вакили Сатиш Кумарга қарши жанг қилади. Жанг Тошкент вақти билан 09:05 да старт олиши режалаштирилган.
Шунингдек, 1 август тунида яна бир ўзбекистонлик яккакурашчи ўз жангини ўтказади. Нурсултон Рўзибоев Милан шаҳрида Brave промоушени томонидан ташкил этилган MMA кечасида асли доғистонлик бўлган Абдул Абдурагуимовга қарши жанг қилади.
Барча жангларга оид қўшимча маълумот ва видеолар билан ушбу ҳаволада танишиш мумкин — ҳавола.
Изоҳ (0)