Ўзбекистон ОТМларига қабул қилиш имтиҳонлари 5 августдан бошланиши ҳақида хабар берилганди. Ушбу имтиҳонларга кириш учун рухсатномалар абитуриентларга 1 августдан тақдим этилади. Бу ҳақда ДТМ матбуот хизмати хабар қилди.
«2021/2022-ўқув йили учун олий таълим муассасаларининг бакалавриат таълим йўналишларига кириш тест синовларида иштирок этиш мақсадида онлайн рўйхатдан ўтган абитуриентларга Абитуриент рухсатномасини бериш 2021 йил 1 август санасидан бошланишини маълум қиламиз», – дейилади хабарда.
Маълумот учун, 2021 йилги имтиҳонлардаги тест топшириқлари сони қисқартирилди. Тест топширувчилар учун мажбурий бўлган 3 та фан бўйича:
- она тили (ўзбек, рус ёки қорақалпоқ тили) – 10 та савол. Ҳар бири учун 2,1 баллдан, максимал балл – 21 балл;
- математика – 10 та савол. Ҳар бири учун 2,1 баллдан, максимал балл – 21 балл;
- Ўзбекистон тарихи – 10 та савол. Ҳар бири учун 2,1 баллдан, максимал балл – 21 балл.
- 1-фан – 20 та савол. Ҳар бири учун 3,15 баллдан, максимал балл – 63 балл;
- 2-фан – 20 та савол. Ҳар бири учун 3,15 баллдан, максимал балл – 63 балл.
- жами тўплаш мумкин бўлган балл – 126 балл.
Изоҳ (0)