Таниқли шоир ва бастакор Бобур Умаров 42 ёшида вафот этди

Таниқли шоир ва бастакор Бобур Умаров пневмониядан вафот этди. Бу ҳақда хонанда СанЖай «Дарё» мухбири Феруз Муҳаммадга маълум қилди.

Бобур Умаров пневмониядан вафот этди. Оиласи, икки нафар ўғли бор эди. Аллоҳ раҳматига олган бўлсин, илоҳим. Жуда яхши инсон эди. Ўзбек шоу-бизнесида деярли барча санъаткорларга энг оммалашган хит тароналарни Бобур Умаров ёзиб берган. Жаноза аср намози вақтида Бобур Умаровнинг Сергели туманидаги отасининг уйида бўлиб ўтади.

СанЖай, хонанда

Маълумот учун, Бобур Умаров 1979 йилнинг 30 июнь куни Тошкент шаҳрида туғилган. Оилали, икки нафар фарзанди бор. Бобур Умаров ўзбек шоу-бизнеси вакилларидан Шоҳрух рэпернинг «Хато», «Ёроней» ва яна кўплаб қўшиқларини, «Манго» гуруҳининг «Писта», «Лайли-лайли», Шаҳло Аҳмедованинг «Керакмас» каби оммалашган қўшиқларининг муаллифи ҳисобланади.