Италия шимолидаги Эмилия-Романья ҳудудида 26 июлнинг иккинчи ярмида дўл ёғди ва унинг катталиги теннис коптогидек келади. Шунингдек, шу куни кучли шамол ва ёмғир ҳам кузатилган.
Италия шимолини жануб билан боғловчи А1 трассасида Парма ва Пьяченца оралиғида юзлаб автомобиллар дўл остида қолган, машиналарга талафот етган, транспорт ҳаракати бир неча соат давомида тўхтаб қолган.
RAI нашрининг метеорологлар ахборотига таяниб ёзишича, 2021 йил ёзи бошланганидан бери Италия шимолида 10 йил ичида рекорд даражада ёғингарчилик, хусусан, дўл ёғиши кузатилган. Оқибатда инфратузилма ва қишлоқ хўжалигига кўп миллионли зарар етган, мамлакат жанубида эса қурғоқчилик кузатилмоқда.
Эслатиб ўтамиз, июль бошида Францияни 60 сантиметр қалинликда дўл қоплаганди. Йил бошида эса Австралиянинг Янги Жанубий Уэльс штати ёнғинлардан талафот кўрган, кейин бўрон бўлган, сўнгра каттагина дўл ёғганди.
Изоҳ (0)