Самарқанд вилоятининг Ургут тумани «Мерганжа» маҳалласидан ўтган йўлда Cobalt автомашинаси 5 ёшли қизни уриб юборган. «Замон» информацион дастури хабарига кўра, қизалоқ воқеа жойида ҳалок бўлган.
Ҳодиса айнан қачон содир бўлганига аниқлик киритилмаган. Ургут тумани ЙҲХБ бошлиғи Баҳодир Холмоновнинг таъкидлашича, ЙТҲ «қизалоқ ота-онаси томонидан қаровсиз қолдирилгани» оқибатида юз берган.
Маълум бўлишича, қизча, тахминан, соат 08:00 да бозорга бориш мақсадида йўлни бир ўзи кесиб ўтаётганида катта тезликда келган Cobalt уни уриб юборган. Зарб оқибатида қиз қарама-қарши тарафдан келаётган «ЗИЛ» юк машинасининг орқа ғилдираклари остида қолиб кетган.
Мавзуга доир:
- Қорақалпоғистонда Қозоғистон фуқароси бошқарувидаги Land Cruiser ЙТҲга учради. Ҳайдовчи вафот этди
- Тошкентда Matiz уриб юбориши оқибатида 65 ёшли фуқаро вафот этди
- Сирдарёда бошқарув вақтида ухлаб қолган юк машинаси ҳайдовчиси ЙТҲ оқибатида вафот этди
- Самарқандда «Жигули» ва Spark тўқнашиши оқибатида ҳайдовчилардан бири вафот этди
- Қаршида рухсат этилмаган жойда қувиб ўтишни амалга оширган Nexia-3 «Жигули»га урилди. Бир нафар йўловчи вафот этган
Изоҳ (0)