Жанубий Африка Республикаси(ЖАР)да собиқ президент Якоб Зуманинг қамоққа ҳукм қилиниши норозилик намойишларига сабаб бўлди. Бу ҳақда Deutsche Welle нашри хабар берди.
Қайд этилишича, ЖАРнинг бир нечта шаҳарларида: Йоханнесбург, КваЗулу-Натал ва Гаутенгда тартибсизликлар бошланди. Йоханнесбургдаги асосий автомагистралда намойишчиларнинг 300 га яқини тўсиқ ўрнатди, тартибсизликларда ҳаммаси бўлиб 800 га яқин одам иштирок этди. Полиция ходимларидан бири ўққа тутилди, икки нафари яраланди.
Полиция генерал майори Матапело Петерснинг сўзларига кўра, собиқ президентни қўллаб-қувватлаш учун кўчага чиққанларнинг 60 нафардан ортиғи ҳибсга олинган.
Нашр хабарига кўра, намойиш чоғида дўконлар талон-торож қилиниб, намойишчилар шаҳар бўйлаб йўлларни тўсиб қўйган. Сўнгги икки кун ичида полиция Квазулу-Наталда 37 кишини ва Йоханнесбургда 25 кишини ҳибсга олган.
«Намойишчилар таёқ, голф таёқчалари ва новдалар билан қуролланган. Улар Йоханнесбургнинг марказий бизнес тумани бўйлаб ҳаракатланмоқда», — дейилади хабарда.
2021 йилнинг февраль ойида 78 ёшли Жейкоб Зума Жанубий Африка Олий судига коррупция иши бўйича далилларни тақдим этиши керак эди, аммо у судга келмаган, бу эса тергов комиссиясининг ғазабига сабаб бўлган. Нашрнинг ёзишича, 29 июнь куни Йоханнесбург конституциявий суди Зумани судга келмаганликда айбдор деб топди ва 15 ойлик қамоқ жазосига ҳукм қилди.
Мавзуга доир:
- Чехияда президентга қарши оммавий норозилик намойишлари бўлиб ўтди
- Туркияда аёллар Эрдўғоннинг Истанбул конвенциясидан чиқиш қарорига қарши норозилик билдирмоқда
- Грецияда ҳукумат тўрт кунлик иш ҳафтасини жорий қилмоқчи. Аҳоли эса бунга қарши намойишлар ўтказмоқда
- Норозилик намойишлари ва навбатлар: Сурияда президент сайлови қандай ўтди? Фоторепортаж
Изоҳ (0)