Япониянинг Nintendo компаниясига тегишли Super Mario 64 видеоўйини бор картриж Американинг Heritage Auctions аукциони орқали рекорд даражадаги 1,56 миллион долларга сотилди. Бу ҳақда кимошди уйининг Twitter’даги саҳифасига таяниб, Esquire хабар берди.
Шу орқали ўйин Nintendo’нинг 9 июль куни 870 минг долларга сотилган The Legend of Zelda картрижи рекордини янгилаган.
Апрель бошида Heritage Auctions орқали 1986 йилги Super Mario Bros. ўйинининг чоп этилмаган картрижи 660 минг долларга сотилганди. Associated Press нашрининг ёзишича, аввалига картрижни Рождествога совға сифатида харид қилишган, бироқ у стол ғаладонида ёддан чиқиб қолиб кетган. Ғаладонда 25 йил отган картриж ўзининг оригинал қадоғини сақлаб қолган. Рождество совғаси 2021 йилнинг бошида топилган.
Super Mario Bros. платформери (яъни сакраб турли предметларни йиғишга асосланган ўйин) 1985 йилда Япониянинг Nintendo компанияси томонидан Famicom платформаси учун яратилган. Ўйин тарихда энг кўп сотилган видеоўйин сифатида Гиннеснинг рекордлар китобига киритилган.
Изоҳ (0)