Давлат активларини бошқариш агентлиги томонидан Навоий вилояти Нурота туманидаги 5 та ер участкаси сотувга чиқарилди.

Маълум қилинишича, 3-4,5 гектар орасида бўлган участкаларнинг бошланғич нархи 25,7-38,5 миллион сўм атрофида. Ер участкасидан фойдаланиш ҳуқуқи 3 йил муддатга берилади:

• Шохсой-5/21 конидаги 4 гектар;
• Шохсой-4/21 конидаги 4,5 гектар;
• Шохсой-3/21 конидаги 3 гектар;
• Шохсой-2/21 конидаги 4 гектар;
• Шохсой-1/21 конидаги 4,5 гектар.

Эслатиб ўтамиз, 2019 йилнинг апрелида Ўзбекистонда онлайн аукционда олтин қазиб олиш мумкин бўлган дастлабки ерларга эгалик ҳуқуқи сотилганди.Маълумот учун, Вазирлар Маҳкамасининг 2019 йил 16 мартдаги 224-сонли қарори билан Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги низом тасдиқланган. Унга кўра, Давлат геология ва минерал ресурслар қўмитаси ер қаъри участкаларининг рўйхати тасдиқланганидан сўнг 5 кунда аукционни ўтказиш учун маълумотларни тайёрлайди. Аукцион ўтказиш ҳақидаги хабар аукциондан 5 кун олдин эълон қилиниши лозим. Аукционда иштирок этиш учун аризалар «Электрон онлайн аукционларни ташкил этиш маркази»нинг веб-сайтида (e-auksion.uz) қабул қилинади. Аризачи ҳисоб рақамга ер участкасининг 5 фоизи миқдорида закалат пулини жойлаштириши керак.