Хоразмда каналга тушиб кетган 82 ёшли онахон қутқарилди. Бу ҳақда вилоят ФВБ матбуот хизмати хабар берди.
Маълум қилинишича, аёл 7 июль куни Хоразм вилояти Шовот туманидаги «Қиёт» маҳалласидан оқиб ўтувчи каналга ўзининг эҳтиётсизлиги оқибатида тушиб кетган.
Шу ҳудудда профилактик тадбирларни олиб бораётган туман Фавқулодда вазиятлар бўлими инспектори ҳодисани кўриб қолиб, дарҳол қутқарув ишларини амалга оширган. Аёл сувдан олиб чиқилиб, унга биринчи тиббий ёрдам кўрсатилган. Сўнг тез тиббий ёрдам машинаси билан туман шошилинч тиббий ёрдам бўлимига олиб борилиб, зарур муолажалар кўрсатилган.
ФВВ ходимининг ўз вақтида тўғри ҳаракатларни амалга оширганлиги натижасида онахоннинг ҳаёти сақлаб қолинган.
Аввалроқ Нукус шаҳрида ўзини Дўстлик каналига ташлаган қиз қутқарилгани, Катта Наманган каналида чўкиб кетаётган аёл қутқарилгани ҳақида хабар берилган эди.
Изоҳ (0)