Шавкат Мирзиёев 6 июль, сешанба куни БМТ Бош Ассамблеяси 75-сессияси раиси Волкан Бозкир билан учрашади. Бу ҳақда Президент матбуот котиби Шерзод Асадов томонидан ўтказилган брифингда маълум қилинди, дея хабар бермоқда «Дарё» мухбири.
Асадов, шунингдек, давлат раҳбари иштирокида ушбу ҳафтада режалаштирилган бошқа учрашув ҳамда тадбирларни ўз ичига олган иш жадвали билан ҳам таништирди.
Жумладан, 5 июль, душанба куни Шавкат Мирзиёев қишлоқ хўжалиги машинасозлиги корхоналарининг трансформацияси юзасидан тақдимот, 8 июль, пайшанба куни олимпия захираларини тайёрлаш тизимини такомиллаштириш юзасидан йиғилиш, 9 июль, жума куни рақамлаштириш чора-тадбирлари бўйича тақдимотда қатнашиши кўзда тутилмоқда.
Эслатиб ўтамиз, ўтган ҳафтада Президент Туркия вице-президенти Фуат Октай билан учрашди ҳамда мис ишлаб чиқаришни ривожлантириш бўйича йиғилиш ўтказди, давлат активларини хусусийлаштириш соҳасидаги ишлар натижадорлиги ва келгусидаги устувор вазифалар муҳокамаси юзасидан видеоселектор йиғилиши ўтказди, шунингдек, 30 июнь куни Ўзбекистон ёшлари ва талабалари форуми доирасида ёшлар билан учрашди.
Мавзуга доир:
- Ўзбекистонда «темир дафтар»даги оилаларнинг ҳар бир фарзандига ўқув қуроллари ва мактаб формаси сотиб олиш учун 500 минг сўмдан берилади
- Шавкат Мирзиёев банкларнинг асосий фаолиятга хос бўлмаган объектларни хусусийлаштиришга тайёрлаш бўйича топшириқ берди
- Ўзбекистонда давлат мулкларини «1 сўм»га сотиш амалиёти бекор қилинади
Изоҳ (0)