Фарғонада эри билан жанжаллашиб қолган 22 ёшли аёл ўзини Катта Фарғона каналига ташлаб, чўкиб кетган. Ҳозирда қидирув-қутқарув ишлари олиб борилмоқда, деб хабар бермоқда «Дарё» мухбири.
Маълум қилинишича, 2021 йилнинг 4 июль куни соат тахминан 16:30 да Тошлоқ тумани «Кўлариқ» МФЙ Беклар кўчасида яшовчи, 1999 йилда туғилган фуқаро Б.М. Катта Фарғона каналининг Тошлоқ тумани «Хонақа» МФЙ ҳудудидан оқиб ўтувчи қисмида чўкиб кетган.
Суриштирув давомида аниқлик киритилишича, фуқаро Б.М. турмуш ўртоғи С.Х. билан ўзаро жанжаллашиб қолган. Шундан сўнг жаҳл устида яшаш хонадонига яқин бўлган Катта Фарғона каналига ўзини ташлаб юборган.
Ҳозирда Фавқулодда вазиятлар бошқармаси ходимлари томонидан қидирув ишлари олиб борилмоқда.
Аввалроқ вилоятнинг Ёзёвон тумани Бўтқачи қишлоғида яшовчи 17 ёшли йигит 2020 йилнинг 22 декабрь куни ўзини Катта Фарғона каналига ташлагани, унинг жасади орадан 73 кун ўтиб топилгани ҳақида хабар берилган эди. 2021 йилнинг 5 мартида эса 13 ёшли спортчи йигит ушбу каналда чўкиб кетганди. Спортчининг жасади 8 март куни икки метр чуқурликдан топилганди.
Мавзуга доир:
- Бухорода сувга чўкиб кетган мактаб ўқувчисининг жасади бир кундан кейин топилди
- Мўйноқдаги каналда чўкиб кетган икки бола ҳақида қўшимча маълумот берилди. Улар ака-ука бўлган
- Катта Фарғона каналига избосканлик 62 ёшли эркак чўкиб кетган бўлиши мумкин. Ўн кундан буён ҳудудда қидирув ишлари олиб борилмоқда
Изоҳ (0)