Самарқанд вилояти Жомбой тумани ҳудудида жойлашган Зарафшон миллий табиат боғида 3 июль, шанба куни ёнғин содир бўлди.
Вилоят ФВБ матбуот хизмати маълумотларига кўра, ёнғин ҳақида хабар соат 21:10 да келиб тушган. Хабарга асосан воқеа жойига 5 та ёнғин-қутқарув экипажи соат 21:51 етиб борганда, милий боғнинг 1,5 гектар майдонида тўқайзорлар (малина, бутазор, шох-шабба) ёнаётган бўлган.
Тезкор ҳаракатлар натижасида ёнғин соат 02:51 да ўраб олиниб, соат 04:03 да ўчирилган.
Қайд этилишича, ҳодиса оқибатида жароҳат олганлар йўқ, ёнғиннинг сабаби ва зарари аниқланмоқда.
Эслатиб ўтамиз, ушбу миллий табиат боғида 2020 йилнинг июлида ҳам ёнғин содир бўлганди. Ҳодиса оқибатида 2000 квадрат метр майдонда тўқайзордаги қуруқ ўт ёниб кетган.
Изоҳ (0)