Нафақат Туркия, балки бутун дунёда машҳурликка эришган «Чуқур» сериали ўз якунига етди. Аммо унда бош қаҳрамон ролини гавдалантирган Арас Булутнинг сериал билан хайрлашишга ҳали эрта эканлигини таъкидлагани мухлисларнинг хурсанд бўлишига сабаб бўлган. Бу ҳақда «Rus.Turkey.com» нашри хабар беради.
Танқидчиларнинг фикрича, давомийлиги 4 фаслни ташкил қиладиган «Чуқур» турк сериалларитарихида энг муваффақиятли лойиҳалардан бири сифатида ўрин олади.
Айнан шу сабаб ҳам ижодкорлар сериал мухлислари учун кутилмаган янгилик тайёрлаган: айни вақтда лойиҳанинг кадр ортидаги жараёнлари ҳақида ҳикоя қиладиган ҳужжатли фильм суратга олинмоқда. Бу ҳақда Арас Булут маълум қилган.
«Сериални суратга олиш жараёни жуда ҳам мароқли бўлган. Биз якунладик, мен бир муддат дам оляпман. Дам олиш ҳам яхши. Мен жуда ҳам бахтлиман. Бироқ лойиҳа билан батамом хайрлашишга ҳали эрта: эртага ‘Чуқур’ ҳужжатли фильмининг суратга олиш майдончасига бораман, жамоанинг барча аъзолари қайта жамулжам бўлади», — деган у.
Шунингдек, Ийнемли ҳужжатли фильм актёрнинг ўзи ва сериал тарихи ҳақида эканини қўшимча қилган. Фильмнинг жамоани барча аъзолари билан интервью кўринишида суратга олинишини таъкидлаган актёр барча икир-чикирлардан хабардор эмаслигини маълум қилган.
Мавзуга доир
- «Чуқур» сериали юлдузи иштирокидаги «Еттинчи бўлмадаги мўъжиза» фильми Туркия томонидан «Оскар»га номзод қилиб кўрсатилади
- Арас Булут иштирокидаги «Еттинчи бўлмадаги мўъжиза» турк фильми бутун дунёда машҳурликка эришмоқда
- «Чуқур», «Қора ният», «Рамо». Туркия давлат цензура ташкилоти томонидан жаримага тортилган турк сериаллари
Изоҳ (0)