Хитойда бир неча кундан буён Хитой Коммунистик партиясининг (ХКП) 100 йиллиги нишонланмоқда. Хитой Халқ Республикаси (ХХР) раҳбари Си Цзиньпин 1 июль куни Пекиннинг Тяньаньмэнь майдонида нутқ сўзлар экан «ким Хитойни қул қилмоқчи бўлса, ўз бошига етади» деб огоҳлантирди, аммо камида бир миллион одамни ёстиғини қуритган «маданий инқилоб» ҳақида тўхталмади.
Си Цзиньпиннинг нутқи байрам дастурининг қолган қисмига тўлиқ мос келади, хусусан у муваффақият ҳақидаги ҳисоботлар, ҳарбий намойишлар ва ХКП қандай қилиб «буюк кураш, буюк дастур, буюк иш ва буюк орзуларни мувофиқлаштиргани ҳамда катта ютуқларга эришгани тўғрисида» гапирди.
Кўргазмалар вақти ҳам ХКПнинг 100 йиллигига тўғри келди. Улардан бири — Пекиндаги Миллий санъат музейида Си Цзиньпиннинг сурати намойиш этилди.Фото: Getty Images
Пекиндаги «Қуш ини» стадионида ХПКнинг 100 йиллиги муносабати билан ташкил қилинган чиқишФото: АФП
Олимпиада учун қурилган Пекиндаги «Қуш ини» стадионида ўтказилган концерт. Тадбир 2021 йил-28 июнда COVID-19’дан ҳимоя чоралари кучайтирилган ҳолда бўлиб ўтди. Жараён телевизион трансляция қилинмади, фотосурат эса бир неча кун ўтиб нашр этилган.Фото: АФП
1 июль куни Гонконг ҳукумати ХКПга қарши намойишларнинг олдини олиш учун полиция кучларининг учдан бир қисмини — 10 мингдан ортиқ шахсий таркибни кўчага олиб чиқди. Суратда Виктория паркида юрган полиция ходимлариФото: Getty Images
1 июль куни вертолётлар Тяньаньмэнь майдони устидан 100 рақами шаклида саф тортиб учдиФото: LETA
Изоҳ (0)