Касб ва карьера борасида отасининг изидан кетишни маъқул билган ҳинд актёрларининг ўғиллари ҳақида маълумот бериб ўтамиз.
Намаши Чакраборти
Намаши афсонавий Митҳун Чакраборти ва унинг рафиқаси Ёгита Балининг фарзанди. Отасининг изидан кетишга қарор қилган йигит «Ёмон йигит» фильмида суратга тушган. Фильм премьераси кинотеатрларнинг ёпилиши муносабати билан кечга қолдирилган. У берган интервьюларидан бирида актёрликдан бошқа касб ҳақида ўйламагани ҳақида таъкидлаган.
Тайгер Шрофф
Тайгер машҳур актёр Жек Шрофф ва продюсер Аеши Даттнинг ўғли. У илк бор 2014 йилда «Севги ҳуқуқи» фильмида суратга тушган. Шундан кейин «Исёнчи» франшизаси ва «Уруш» фильмидаги ижролари билан мухлисларни лол қолдирган.
Ахан Шетти
Ахан Болливуднинг машҳур юлдузи Сунил Шетти ва унинг рафиқаси Мана Шеттининг ўғли. АҚШда актёрлик маҳорати ва кино ишлаб чиқариш бўйича таҳсил олган Ахан, айни вақтда ҳинд киносаноатидаги дебют ролига тайёргарлик кўрмоқда. У «Қайғу» номли фильмда Тара Сутария билан суратга тушади.
Арян Хон
Болливуд қироли ва унинг рафиқаси Гаури Хоннинг тўнғич ўғли. Отаси сингари келишган Арянни Instagram’да бир ярим миллион обуначи кузатади.
Иброҳим Али Хон
Иброҳим Али Хон актёр Саиф Али Хон ва унинг биринчи рафиқаси Амрита Сингхнинг фарзанди. 2008 йилда отасининг «Услуб» номли фильмида дебют рол ижро қилган Иброҳим яқинда берган интервьюлардан бирида машҳур актёр бўлишни исташини таъкидлаган.
Харшвардан Капур
Болливуд юлдузи Анил Капур ва унинг рафиқаси Сунитанинг фарзанди бўлган Харшвардан карьерасини Каран Жоҳарнинг «Бомбей бахмали» фильмида ёрдамчи бўлишдан бошлаган. 2016 йилда эса «Мирза» номли романтик сагада дебют рол ижро қилган. Ушбу ижроси сабаб Star Screen Awards ва Stardust Award киномукофотларини қўлга киритган. Бугунги кунда у ўқ отиш спорти бўйича Олимпия чемпиони Абхинав Биндра ҳақидаги биографик фильмда суратга тушиш учун тайёргарлик кўрмоқда.
Изоҳ (0)