Сирдарё вилояти Мирзаобод тумани вакиллари Рим шаҳридаги «Palasso dei Kongressi» саройида ўтказилган «Таъм усталари» номли II миллий кўргазмада иштирок этиб, фахрли ўринлардан бирини қўлга киритди. Бу ҳақда туман ҳокимлиги ахборот хизмати хабар берди.
Маълум қилинишича, «Таъм усталари» деб номланган Италиянинг II миллий кўргазмасида биринчи марта турли мамлакатлардан ташриф буюрган моҳир ошпазлар ўртасида «Дунё музқаймоқлари авлоди» деб номланган халқаро танлов ўтказилган. Таъкидланишича, танловда италиялик моҳир ошпаз Эугенно Морроне томонидан Мирзаобод қовунларидан тайёрланган музқаймоқлар фахрли иккинчи ўринга муносиб топилган.
Мусобақа шартларига кўра, музқаймоқлар мевалар ёки бошқа мамлакатларда етиштириладиган маҳсулотлардан тайёрланиши керак бўлган. Музқаймоқ тайёрлашда Сирдарё вилояти Мирзаобод туманидан келтирилган қирқма, қариқиз, қорақанд номли қовун навларидан фойдаланилган.
Изоҳ (0)