Шимолий Корея телевидениеси Ким Чен Иннинг озиб кетганини тан олди. Телевидениеда унинг соғлиғи Пхеняндагиларни ташвишга солаётгани ҳақида ҳикоя қилувчи интервью пайдо бўлди, деб ёзади «Korrespondent.net».
«Ҳурматли бош котибнинг озиб кетганини кўриб, одамлар қаттиқ қайғуга тушди. Уларнинг ҳаммаси кўзларига ёш олганини айтмоқда», — деди Шимолий Корея фуқароларидан бири интервьюда.
Июнь ойининг бошида Ким Чен Ин бир ойдан буён биринчи марта жамоатчилик олдида пайдо бўлиб, Меҳнат партиясининг саккизинчи Марказий қўмитаси сиёсий бюроси мажлисларини ўтказди. Оммавий ахборот воситалари таъкидлашича, ушбу учрашувдан олинган фотосуратларда Шимолий Корея раҳбарининг сезиларли даражада озиб кетгани акс этган. Хусусан, Ким Чен Ин қўл соати боғичини одатдагидан кўра тортиброқ боғлаганини кўриш мумкин.
Аввалроқ Ким Чен Ин Шимолий Кореяда озиқ-овқат билан боғлиқ вазият «таранг»лигини айтганди. Шимолий Корея раҳбарининг сўзларига кўра, 2020 йилги тайфун оқибатида ғалла етиштириш режаси бажарилмай қолгани бунга сабаб бўлмоқда. Шунингдек, мамлакатда коронавирус тарқалишига қарши қўлланилган чоралар вазиятни янада оғирлаштирган.
Шунингдек, Ким Чен Ин Корея Меҳнат партияси КХДРни барча қийинчиликлардан олиб чиқишига қасамёд қилган.
Мавзуга доир:
- Ким Чен Ин АҚШ билан мулоқотга ҳам, тўқнашувга ҳам тайёр туриш кераклигини айтди
- Ким Чен Ин Жанубий Корея мусиқа ва фильмларига қарши уруш эълон қилди. «Кей-поп»ни тинглаган шимолий кореяликларни меҳнат лагерларида 15 йиллик жазо кутмоқда
- КХДР етакчиси касаба уюшмаларини «ҳозирги қийин йилларда» Меҳнат партияси томонидан қўйилган мақсадларни бажаришга чақирди
Изоҳ (0)