Жаҳон соғлиқни сақлаш ташкилоти вакили Мелита Вуйнович коронавирусга қарши эмланганлар ҳам ниқоб тақиши зарурлигини маълум қилди, деб хабар беради «Korrespondent.net».
«Эмланган ва касалликдан тузалган бўлсангиз ҳам ниқоб тақишингиз керак. Чунки вакцина олган инсон касалликка чалинмаса ҳам, вирус унинг организми орқали ўтади ва ақллироқ бўлиб боради ҳамда қайсидир онда вирус бошқа бир инсонга юқади — ҳатто белгиларсиз», — дейди у.
ЖССТ иссиқ кунда ниқоб тақилганида кўпроқ суюқлик ичишни, тез ҳаракатланмасликни, ноқулайлик юзага келганда тўхтаб, нафас ростлаб олишни тавсия қилади.
Аввалроқ Европа давлатлари орасида коронавирус инфекцияси тарқалишининг ўсиш даражаси Россия, Буюк Британия ва Португалияда қайд этилаётгани маълум қилинганди. Ушбу мамлакатда касалликка чалинганларнинг аксариятида дельта штамм аниқланган.
Эслатиб ўтамиз, коронавируснинг «ҳиндча» (дельта) штамми мутацияси бўлган дельта-плюс биринчи бўлиб Ҳиндистоннинг Махараштра штатида аниқланган эди. Ҳиндистон Соғлиқни сақлаш вазирлиги аҳоли зич жойлашган Махараштра, Керала ва Мадҳя-Прадеш штатлари ҳокимиятларини дельта-плюс хавфидан огоҳлантирди.
Изоҳ (0)