Истеъдоди ва маҳорати билан кино саноатида ўз ўрнига эга бўлган актёр ва актрисалар фильмда суратга тушиш учун қанча маблағ олиши ҳақида маълумот бериб ўтамиз.
Дуэйн Жонсон
Актёр икки йил қаторасига Forbes рейтингида етакчилик қилмоқда. 2018 йилнинг июнидан 2019 йилга қадар топган даромади 89,4 миллионни ташкил қилган Дуэйн бир йил ўтиб, 87,5 миллион ишлаб топган. Пандемия вақтидаги маълумотлар аниқ эмас, фильмлардан даромад топмаган актёрлар стрим ва ижтимоий тармоқлар орқали пул топишга муваффақ бўлган.
Скарлетт Йоханссон
2018 йилда энг кўп даромадга эга бўлган Скарлеттнинг молиявий аҳволи Дуэйндан 56 миллионга камроқ бўлган. Экранда кўп ва хўп кўрингани, Marvel’нинг қиммат ва машҳур фильмларида суратга тушгани бунга сабаб бўлган.
София Вергара
2020 йилда эса София Вергара энг кўп пул ишлаб топган актрисалар орасида етакчилик қилган. Маълум қилинишича, комедия жанрида суратга олинган «Замонавий оила» сериалида суратга тушган актрисанинг даромади 43 миллион долларни ташкил қилади. Wallmart компанияси учун жинсилар ишлаб чиқаришни бошлаган Вергара Rooms То Gо мебеллар дўкони билан ҳам ҳамкорлик қилади.
Анжелина Жоли ва Бред Питт
«Жаноб Смит ва Смит хоним» фильмида бирга суратга тушган жуфтликка умумий 30 миллион доллар тўланган. Шундан 20 миллиони актёрга, 10 миллиони эса Жолига берилган.
Жессика Честейн ва Мэтт Деймон
Матбуотда 2015 йилда суратга олинган «Марс тутқуни» фильмида суратга тушгани учун Мэттга 15 миллиондан 25 миллионгача доллар тўланганда, Жессикага атиги 7,5 миллион берилгани ҳақида хабар тарқалган. Аммо Честейн бундан 4 карра кам — 1,75 миллион доллар олганини маълум қилган. Шундан буён актриса гонорари эркакларникига нисбатан кам бўлишига ижозат бермайди.
Жиллиан Андерсон ва Дэвид Духовни
«Махфий материаллар»нинг уч мавсуми давомида Дэвиддан кам пул тўланган, кейинроқ бу муаммога ечим топилган. Аммо кейинчалик 2013 йилдан суратга олинадиган қисмлар икки карра кам гонорар таклиф қилинган.
Изоҳ (0)