Тошкент тиббиёт академияси ректори, профессор Алишер Шодмонов коронавирусга қарши эмланди, дея хабар бермоқда ССВ матбуот хизмати.
«Бутун дунё, хусусан, мамлакатимизда бир йилдан ортиқ давом этаётган пандемия даври жамиятимизга ўзининг салбий таъсирини кўрсатмай қолмаяпти. Уч ойдан ошиқ давом этаётган вакцинация жараёнлари юртимизда бу таъсирни камайтиришда асосий омил бўлиб турибди. Шу сабабли Соғлиқни сақлаш вазирлиги ташаббуси билан ‘Мен вакцина олдим’ (#men_vaksina_олдим) акцияси бошланди», – дейилади ССВ хабарида.
Қайд этилишича, акция доирасида соғлиқни сақлаш вазирининг ўринбосари – Тошкент шаҳар Соғлиқни сақлаш бош бошқармаси бошлиғи Анвар Алимов коронавирус инфекциясига қарши ZF-UZ-VAC2001 вакцинаси билан эмланди.
Шунингдек, Тошкент тиббиёт академияси ректори, профессор Алишер Шодмонов ва академия проректори, профессор Маъруф Каримов коронавирус инфекциясига қарши эмланди.
Эслатиб ўтамиз, 3 ноябрь куни Алишер Шодмонов соғлиқни сақлаш вазири лавозимидан олинган. Шодмонов ўрнига унинг ўринбосари Абдуҳаким Хожибоев вазир этиб тайинланган.
Бундан аввал Тошкентда 18 ёшдан ошганлар коронавирусга қарши оммавий эмланиши ҳамда Ўзбекистонда ҳозирга қадар хавф гуруҳига кирувчи аҳолининг қанчаси эмлангани тўғрисида маълумот берилилгани ҳақида хабар қилинганди
Изоҳ (0)