Ўзбекистон 2021 йилнинг январь—май ойларида хорижий давлатларга қиймати 134,9 миллион долларлик енгил автомобилларни экспорт қилган, деб хабар беради Давлат статистика қўмитаси.
Енгил автомобиль экспорти ўтган йилнинг мос даврига нисбатан 84,6 миллион АҚШ долларига ошган. Ўзбекистон енгил автомобиль экспорт қилган асосий давлатлар:
- Қозоғистон – 127,1 миллион доллар;
- Афғонистон – 2,7 миллион доллар;
- Украина – 2,3 миллион доллар;
- Қирғиз Республикаси – 1,0 миллион доллар;
- Россия – 955,9 минг доллар;
- Озарбайжон – 444,7 минг доллар;
- Тожикистон – 339,1 минг доллар.
Май ойида Ўзбекистон экспорт қилаётган автомобилларнинг деярли барчаси Қозоғистон ҳисобига тўғри келаётгани тўғрисида хабар берилганди.
Изоҳ (0)