Дунё ва Ўзбекистон бўйлаб 25 июнь куни камера объективига туширилган сара суратларни тақдим этамиз.
Аризона штатидаги Феникс ҳайвонот боғидаги ҳайвонларга муз бўлаклари билан иссиқни енгишга ёрдам берилмоқда. Шаҳарда ҳаво ҳарорати +42 даражага етди. Фото: Getty Images
Тошкент вилояти Зангиота туманидаги «Эшонгузар» жоме масжиди яқинида кўриниб турган тўлин ой. Фото: «Дарё» / Дилшод Шарипов
Челябинскда коронавирус пандемияси давомида ишлаб келаётган шифокорларга ҳайкал ўрнатилди. Фото: «ТАСС»
Сергелидаги «Саховат» маҳалласига ташриф буюрган Шавкат Мирзиёев оқсоқоллар билан учрашди. Фото: Президент матбуот хизмати
Қозондаги Суворов мактаби ўқувчилари битирув кечасига тайёргарлик кўрмоқда. Фото: «ТАСС»
Саида Мирзиёева 25 июнь куни М.В. Ломоносов номидаги Москва давлат университетида иқтисодиёт бўйича диссертация ёқлади. Бу ҳақда Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов ўз Telegram каналида маълум қилди. Фото: Telegram / Комил Алламжонов
Flying Scotsman паровози Форт кўпригидан ўтиб, Эдинбургга қараб ҳаракатланиб кетмоқда. Фото: Getty Images
Сергели туманида Президентни кутиб олаётган Миллий гвардия ходимаси. Шавкат Мирзиёев Сергелидаги «Саховат» маҳалласи ҳаёти билан танишди. Фото: Президент матбуот хизмати
Афғонистоннинг Кобул шаҳрида пойабзал тозаловчи қиз қалдирғоч тасвирланган граффити остида одамларни кутмоқда. Фото: Reuters
Индонезиянинг Проболингго шаҳридаги Ядня Касада фестивалида иштирок этишдан олдин коронавирус таҳлили учун намуна топшираётган одам. Фото: AP Photo
Биби Марямнинг Босния ва Герцеговинада жойлашган Межугория қишлоғида яшовчи маҳаллий чўпонларга «кўриниш берганининг» 40 йиллигини хотирлаш учун келган зиёратчилар. Фото: EPA
Катмандудаги шифохонада 74 ёшли Кайла Тамангга коронавирусдан даволанишга ёрдам берган тиббиёт ходимларига раҳмат айтмоқда. Фото: Shutterstock
Суриянинг Кали шаҳридаги қочоқлар лагерида бассейнга айлантирилган фургоннинг юкхонасида ўйнаётган болалар. Фото: Shutterstock
UzQuiz интеллектуал ўйинининг навбатдаги саволига тўғри жавоб топган «Комиллик сари» жамоаси аъзолари. Фото: UzQuiz
Мамлакат аҳолиси сайлов натижаларини кутаётган пайтда Перу президентлигига номзодларнинг тарафдорлари ўртасида жанжаллар авж олмоқда. Фото: EPA
Чехиянинг Жанубий Моравия минтақасида содир бўлган торнадо оқибатида вайрон бўлган уйлар ёнида юрган одам. Табиий офат уч кишининг ўлимига, юзлаб одамларнинг жароҳатланишига ва бир нечта қишлоқларнинг вайрон бўлишига олиб келди. Фото: Getty Images
Австрияда бўлиб ўтган «Формула-1» Гран-присининг биринчи машғулотларида қатнашаётган болид. Фото: EPA
Индонезиядаги Мерапи тоғида вулқон отилиши давом этмоқда. Вулқон отилиши апрель ойида бошланган. Фото: «ТАСС»
Москвадаги «Саларис» савдо марказидаги эмлаш пунктида навбатда турган одамлар. Фото: EPA
Майами яқинидаги кўп қаватли бино қисман қулаб тушди. Ҳудуд полиция томонидан ўраб олинган. Фото: EPA
Қувайтнинг Аҳмади губернаторлигидаги саҳрода яшовчи араб қизил тулкиси. Фото: Shutterstock
Филадельфия осмонидаги тўлин ой. Маҳаллий аҳоли ойнинг бу кўринишини «қулупнай ой» деб атамоқда. Фото: AP Photo
Парижда 300 га яқин муҳожир шаҳар ҳокимлиги биноси олдида чодирлар ўрнатиб, уй-жой муаммоларини ҳал қилишни талаб қилмоқда. Фото: «ТАСС»
Ухань шаҳрида Хитой Коммунистик партияси ташкил топганлигининг 100 йиллигига бағишланган нео шоу бўлиб ўтди. Фото: Getty Images
Россиянинг Боргустанская қишлоғида сабзи ейиш учун бошини машина салонига тиқиб олган от. Фото: Reuters
Байрутда ҳукуматга қарши намойишлар давом этмоқда. Ливан пойтахтидаги намойишлар 2020 йили шаҳар портидаги фожиали портлашдан сўнг авж олган. Фото: EPA
Аввалги кунларнинг фотогалереялари:
Ҳиротда қуролларини топширган «Толибон», қайта аланга олаётган Исроил—Фаластин можароси, суд қилинаётган хонанда. 24 июнь суратлари Москва рекордини янгилаган жазирама, полиция итининг дафн маросими, Ўргимчак одамдан совға олган Рим Папаси. 23 июнь суратлари Машҳур сериалга ўрнатилган ёдгорлик, эмланишни хоҳламаганларга қилинган таҳдид, ҳарбийга айланган амалдорлар. 22 июнь суратлари Дунё бўйлаб нишонланган ёга куни, уйини байроқлар билан буркаган футбол ишқибози, президентнинг илк матбуот анжумани. 21 июнь суратлари Андижонда «пиёдага айланган» Damas, сув остида қолган Қрим, Хитой байроғи остида ётган масжид минораси бўлаги. 18 июнь суратлари Янги Ўзбекистоннинг Янги Андижони, очлик эълон қилган муҳожирлар, сув остида қолган шаҳарлар. 17 июнь суратлари Уни қотилга чиқарган президент билан учрашган Путин, яна Исроилдан норози фаластинлик, коронавирус сабаб ниқоб «таққан» маъбуда. 16 июнь суратлари Қодирий «ёнига келган» Чўлпон, терма жамоа билан хайрлашган Аҳмедов, Хонобод аэродромидаги байрам. Ҳафта фотолари
Изоҳ (0)