Ўзбекистон Халқ таълими вазирлиги мактабнинг 9-синф битирувчиларига нима сабабдан шаҳодатномаларнинг нусхаси берилаётгани ҳақидаги саволга жавоб берди.
— Нима сабабдан 9-синф битирувчиларига шаҳодатномаларнинг оригинали (асли) эмас, унинг нусхаси бериляпти? 11-синфни битирганидан кейин аттестатларнинг оригинали бериладими?
— Ўзбекистонда 11 йиллик мажбурий таълим жорий этилгани сабабли аксарият 9-синф ўқувчилари таълимни ўз мактабида давом эттиради, уларнинг шаҳодатномаларининг оригинали ҳам мактабда сақланади. Агар 9-синфдан кейин ўқувчи бошқа мактабга ёки академик лицейга ўқишга қабул қилинса, ушбу ўқишга кирган таълим муассасаси томонидан берилган маълумотнома (талон) асосида шаҳодатноманинг оригинал нусхаси бериб юборилади. Бу масалада ота-оналар мактаб директорига мурожаат этишлари мумкин.
11 йиллик мажбурий таълимни тамомлаганидан сўнг эса уларга аттестатлари тантанали равишда топширилади, — дейилади вазирлик жавобида.
Бундан аввал Ўзбекистонда 1-синфга онлайн қабул тизими ишга туширилгани ҳамда Ўзбекистон мактабларида якуний имтиҳонлардан ўтолмаган ўқувчилар икки ҳафта ўтгач қайта топшириши мумкинлиги, шунда ҳам ўта олмаса, синфдан қолдирилиши ҳақида хабар берилганди.
Изоҳ (0)