Ўзбекистондаги санаторий, пансионат ва болалар оромгоҳларига бориш учун энди ПЦР-тест таҳлили талаб этилади

Ўзбекистонда коронавирус билан курашиш бўйича янги чора-тадбирлар қабул қилинди. Бу ҳақда ССВ матбуот хизмати хабар берди.

Унга кўра, энди санаторий, пансионат ва болалар оромгоҳларига бориш учун ПЦР-тест таҳлилининг манфий натижа қайд этилган маълумотномаси талаб этилади.

ПЦР-тест ушбу муассасалардан бирига келишдан аввал 72 соат ичида амалга оширилиши керак.

Ушбу тартиб шу турдаги барча объектлар учун, мулк шаклидан қатъи назар, янги талаблар нашр этилгунга қадар ўрнатилади.

Бундан аввал Ўзбекистонда эндиликда ниқобсиз шахслар жамоат транспортига чиқарилмаслиги ҳамда Ўзбекистоннинг Афғонистон билан чегараси коронавирус сабаб ёпилиши ҳақида хабар берилганди.