Бугун,

  • USD 11095.31
  • RUB 173.84
  • EUR 10772.44

Актёр ва режиссёр Фурқат Файзиев 10 йилдан буён Қозоғистон Республикасида яшамоқда.

Фото: «Дарё»

Фото: «Дарё»

Фурқат Файзиев «Дарё» мухбири Феруз Муҳаммадга берган интервьюсида нима сабабдан Қозоғистонда яшаётгани ҳақида гапириб берди.

 

Охирги 10 йил ичида кўпроқ Қозоғистонда яшайман. Мендан кўпчилик кинони ташлаб кетдингизми, ватанни ташлаб кетдингизми, иммигрант бўлдингизми, деб сўрашади. Бунинг сабабини ҳозир тушунтирмоқчиман.

Дўстларим 2012 йилда мени Қозоғистонга ишга таклиф қилишди. Улар қуролли кучлар ҳақида 30 қисмли сериал бошлашаётган экан. Вақтим бор эди. Бордим, гаплашдик, сериални суратга олишдан аввал қуролли кучлар учун 6-7 ролик суратга олдик. Ўша сериалнинг режиссёрлигини қилдим.

У вақтда турмуш ўртоғим билан ажрашгандим. Ўша сериални ишлаётганимизда эски танишимни кўриб қолдим. Кўришиб, учрашиб, гаплашганимиздан сўнг ота-онасидан рухсат сўраб, унинг фарзандларининг олдидан ўтиб, масжидга ва ‘ЗАГС’га бориб,  никоҳдан ўтиб, Қозоғистонда қолиб кетдим.

Шу сабабдан кўпроқ вақт Қозоғистонда бўламан, камроқ вақт Тошкентда бўламан. Чунки Қозоғистонда умр йўлдошим, ҳовли-жойимиз, рўзғоримиз, ишимиз бор.

Аёлимнинг касби ҳам кинога яқин, улар овоз режиссёри бўлиб, кино-бастакор бўлиб ишлайдилар. Бундан ташқари, аёлим билан сценарий ёзиб, фильм суратга олдик. Ўзимизнинг дўстларимиз билан янги йилга тўғри келадиган, енгил кино комедия суратга олдик.

Қозоғистонда ҳам бекор ўтирмаяпмиз, у ерда ҳам ўзимнинг севимли касбим билан машғулман.

Фурқат Файзиев, актёр, режиссёр

Маълумот учун, Фурқат Файзиев 1968 йил, 7 май куни Тошкент шаҳрида туғилган. 109 фильмда бош ва турли даражадаги ролларни ижро этган.

Изоҳ
Асосий янгиликлар
Кино
Сезмагансиз ҳам: Фильм воқеаларидаги мантиққа тўғри келмайдиган қўпол хатолар (фото) 
Маҳаллий
Қатар амири давлат ташрифи билан Ўзбекистонга келди (фото)
Карьера
Ҳокимият уларнинг қўлларида: Бутун дунёни бошқарадиган бешта оила (фото)