Президент матбуот котиби Шерзод Асадов икки ҳафта аввал коронавирусга қарши ZF-UZ-VAC 2001 вакцинасининг биринчи дозаси билан эмланган. Бу ҳақда у 21 июнь, душанба куни ўтказилган брифингда маълум қилган.
Жумладан, Асадов, «Спутник» нашри мухбири Дилшода Раҳматованинг «Президент администрацияси ходимлари вакцина олишдими? Масалан, президент матбуот котиби эмландими? Ҳозирги эпидемиологик ностабил вазият ва вакцинация жараёнига муносабат билдира оласизми?», деган саволига жавоб бериб ўтган.
Саволингиз учун раҳмат. Ўзбекистон Республикаси Президенти Администрацияси ходимларини вакцинация қилиш жараёнлари дастлаб 65 ёш ва ундан юқори ёшдагилар, сурункали касаллиги бор бўлган ходимлар коронавирус инфекциясига қарши эмланиши ташкиллаштирилди. Бунда республикамизда мавжуд бўлган вакциналаридан фойдаланилди. Хабарингиз бор, Республика махсус комиссиясининг шу йил 25 февралдаги қарорига мувофиқ, коронавирус инфекцияси билан касалланишда хавф гуруҳига кирадиган аҳоли қатламлари эълон қилинган эди. Жумладан, оммавий ахборот воситалари ходимлари ва блогерлар ҳам биринчилар қаторида эмланиши белгиланган.Матбуот котиби, шунингдек, охирги пайтларда карантин қоидаларига амал қилиш сусайгани, кўпчилик бепарво бўлиб қолгани сабабли касаллик юқиши яна кўпая бошлагани, шунинг учун ҳолатга эътиборни ҳеч сусайтирмасдан, ниқоб тақиш, антисептик воситалардан фойдаланиш каби қоидаларга қатъий риоя қилишни давом эттириш кераклигини билдириб, барчадан ушбу қоидаларга риоя этишни илтимос қилган. «Шунда биз ўзимизни, оиламизни, бир-биримизни асраган бўламиз», — дейди Асадов.Шунга асосан, Президент матбуот хизмати ходимлари ҳам май—июнь ойларида эмалана бошлади. Шахсан мен, 7 июнь куни ZF-UZ-VAC2001 (Хитой—Ўзбекистон) вакцинасининг биринчи дозаси билан эмландим. Хабарингиз бор, бу вакцинани ишлаб чиқаришда ўзимизнинг олимларнинг ҳам ҳиссаси бор. Мен шуни танладим. Ҳозирги эпидемиологик вазият ва вакцинация жараёнига тўхталиб ўтадиган бўлсак. Ўзбекистон Республикасида 18 июнь ҳолатига кўра, коронавирус инфекцияси билан касалланганлар сони 105 219 нафарни ташкил этиб, улардан 101 018 нафари (96,0 фоиз) соғайиб чиққан, 717 нафари (0,7 фоиз) вафот этган.
Сизларга маълумки, март ойининг иккинчи ярмидан мамлакатимиз ҳудудида коронавирус инфекцияси билан касалланиш даражаси орта бошлади. Май ойининг иккинчи ярми ва июнь ойининг дастлабки 10 кунлигида эпидемиологик вазият бироз барқарорлашди (кунлик ўртача касалланиш 240 ҳолат). Бироқ охирги кунларда касалланиш ҳолатлари 300 тадан 385 тагача ортганини кўришимиз мумкин.
Вакцинация жараёнларига келсак, дастлаб қамраб олиниш лозим бўлган хавф гуруҳига кирувчи аҳоли сони 4 миллион 112 минг 868 нафарни ташкил этади. Ушбу мақсадлар учун, республикага 660 минг доза икки компонентли AstraZeneca ва 240 минг доза «Спутник V» ҳамда 4,5 миллион доза уч компонентли «ZF-UZ-VAC 2001» вакциналари келтирилди.
Шерзод Асадов, Ўзбекистон Республикаси Президентининг матбуот котиби
Изоҳ (0)