Ўзбекистонда 2021 йил бошидан бери миллий валютадаги депозитлар бўйича фоиз ставкалари максимал даражага кўтарилди. Бу ҳақда Марказий банк маълумотларида келтирилган.
Эълон қилинган инфографикада май ойида ўртача кўрсаткич 19,4 фоизни, ундан олдинги тўрт ой ичидаги натижалар эса 17 фоиз, 18,3 фоиз, 19,1 фоиз ва 19,3 фоиз ташкил этган:
Spot’нинг ёзишича, шунга қарамай, ставкалар 2020 йилнинг мос даврига нисбатан ҳали ҳам пастлигича қолмоқда. 2020 йил май ойида улар 20 фоиз ва ундан юқори бўлган.
Аввалроқ йил бошидан буён банкларда миллий валютадаги депозитлар ҳажми сезиларли даражада ўсгани тўғрисида хабар берилганди. Хусусан, миллий валютадаги жами муддатли депозитлар 19,6 фоизга, жисмоний шахсларнинг муддатли депозитлари 27,4 фоизга ўсган.
Изоҳ (0)