Футбол бўйича Европа чемпионати гуруҳ босқичи 2-тури доирасида Бельгия терма жамоаси 17 июнь, пайшанба куни Дания билан баҳс юритди.
Копенгагенда ўтган ўйин тезкор гол билан бошланди. Юсуф Поульсен 2-дақиқада Данияни ҳисобда олдинга олиб чиқди. Бироқ иккинчи бўлим аввалида захирадан ўйинга қўшилган Кевин де Брюйне ўйин тақдирини бутунлай ўзгартириб юборди: у 54-дақиқада Торган Азарга гол уриш имкониятини яратиб берган бўлса, 70-дақиқага келиб, кучли зарбаси билан данияликлар дарвозасини доғда қолдирди ва жамоасини кейинги босқичга олиб чиқди.
Гуруҳнинг биринчи баҳсида Россия Финляндиядан устун келганди. 2-турдан кейин B гуруҳидаги ҳолат ва гуруҳ тақвими:
Евро—2020
Гуруҳ босқичи, 2-тур
17 июнь, пайшанба
Дания — Бельгия 1:2
Голлар: 1:0 – 2 Поульсен, 1:1 – 54 Азар, 1:2 – 70 де Брюйне.Дания: Шмейхель, Вестергор (Ольсен, 84), Кристенсен, Кьер, Васс (Ларсен, 62), Ҳёйбьерг, Дилэйни (Йенсен, 72), Дамсгор (Корнелиус, 72), Меле, Поульсен (Нергор, 62), Брэйтуэйт.
Бельгия: Куртуа, Вертонген, Алдервейрелд, Денаер, Менье, Тилеманс, Дендонкер (Витцель, 59), Торган Азар, Карраско ( Эден Азар, 59), Лукаку, Мертенс (де Брюйне, 46).
Огоҳлантиришлар: Васс (59), Дамсгор (69), Йенсен (82).
Изоҳ (0)