Қорақалпоғистоннинг Амударё туманида Nexia бошқарувни йўқотиши оқибатида зовурга тушиб кетди. Бу ҳақда «Замон» информацион дастурида хабар берилди.
Қайд этилишича, 5 июнь куни Амударё тумани ҳудудидан ўтган 4Р-181 А-380 автомобиль йўлида «Қипчоқ–Пахтакор» овул фуқаролар йиғинида яшовчи 39 ёшли К.Ж. Nexia автомобилида ҳаракатланиб келаётиб, бошқарувни йўқотган.
Оқибатда машина йўлнинг чап тарафидаги зовурга тушиб кетган. Кўп сув ютиш оқибатида ҳайдовчи машинадан чиқолмай, воқеа жойида ҳалок бўлган.
ЙТҲ содир болиш сабаблари ўрганилганда автомобиль йўлида йўл чизиқлари мавжуд эмаслиги аниқланган.
Ҳозирда ҳолат юзасидан суруштирув ҳаракатлари олиб борилмоқда.
Бундан аввал Сурхондарёда бир йил давомида 15 маротаба қоида бузган ҳайдовчи 17 ёшли ўсмирнинг ҳаётига зомин бўлгани, Ангренда Nexia билан тўқнашган Lacetti ёниб кетгани ҳамда Наманганда Damas уриб юбориши оқибатида 49 ёшли фуқаро вафот этгани ҳақида хабар берилганди.
Изоҳ (0)