Аввал хабар берилганидек, Ўзбекистон Президенти Шавкат Мирзиёев Тожикистонда 2 кунлик расмий ташриф билан бўлди.
Кўплаб оммавий ахборот воситалари қатори «Дарё» фотомухбири ҳам ушбу ташриф давомида давлат раҳбари иштирокидаги тадбирларни ёритишда иштирок этди. Ташрифнинг иккинчи, якунловчи кунидан сўнг журналистлар Хўжанд халқаро аэропортидан Тошкент шаҳрига қайтишди. Қуйида ушбу парвоз давомида самолёт дарчасидан кадрларга муҳрланган Тожикистоннинг Сўғд вилояти ва Тошкент шаҳрининг айрим манзараларини томоша қилишингиз мумкин.
Сўғд вилояти (1939 йилдан 2000 йил июнгача Ленинобод вилояти) — Тожикистон Республикаси таркибидаги майдони жиҳатидан учинчи йирик ҳудуд. Республиканинг шимолида жойлашган. Майдони 25,400 км2. Шимол, шимоли-шарқ ва ғарбдан Ўзбекистон, шарқдан Қирғизистон, жанубдан Тожикистон туманлари билан чегарадош. Ҳудуд, асосан, тоғлардан иборат. Асосий дарёлари — Сирдарё ҳамда Зарафшон. Энг катта кўли — Искандаркўл.
Аҳолиси 2 508 500 кишидан зиёд (2016 йил маълумотларига кўра), асосан, тожиклар ва ўзбеклар, шунингдек, руслар, қирғизлар, татарлар, украинлар ва бошқа миллат вакиллари ҳам яшайди. Вилоятда 14 туман, 10 шаҳар ва 21 шаҳарча бор. Маркази — Хўжанд шаҳри. Асосий шаҳарлари: Хўжанд, Уструшона (собиқ Ўратепа), Исфара, Қайроққум, Конибодом, Панжакент, Табошар, Чкаловск.
Тошкент шаҳри
Изоҳ (0)