Дунё бўйича коронавирусга чалинганлар сони 173 639 206 кишига етди, вирус оқибатидаги ўлимлар эса 3 737 447 тани ташкил қилмоқда. Бу ҳақда Жонс Ҳопкинс университети маълумотлари дарак бермоқда. Касалланиш ҳолатларининг кўплиги бўйича АҚШ (33,3 миллион), Ҳиндистон (28,9 миллион), Бразилия (16,9 миллион), Франция (5,7 миллион) ва Туркия (5,2 миллион) етакчилик қилмоқда.
Дунёда коронавирус билан касалланиш даражаси пасайди
Дунёда коронавирусга чалиниш ҳолатларининг сони кетма-кет олти ҳафтадан буён пасаймоқда. Бу ҳақда Жаҳон соғлиқни сақлаш ташкилоти (ЖССТ) бош директори Тедрос Гебрейесус маълум қилди. COVID-19 оқибатидаги ўлимлар эса беш ҳафтадан буён камаймоқда.Шу билан бирга, Гебрейесус огоҳлантиришича, агар чекловлар жуда эрта олиб ташланадиган бўлса, коронавируснинг янги штаммлари вакцина олмаганлар учун хавф туғдириши мумкин.
Пандемияни енгиш йўли маълум қилинди
Жаҳон соғлиқни сақлаш ташкилоти (ЖССТ) коронавирус пандемияси устидан ғалаба қозониш шартини айтди. ЖССТнинг фавқулодда вазиятлар дастури директори Майкл Райаннинг айтишича, сайёрадаги одамларнинг камида 80 фоизи эмланган тақдирдагина коронавирус юқиши хавфини камайтириш мумкин. Унинг сўзларига кўра, кенг қамровли вакцинация COVID-19 пандемияси доирасида жуда муҳимдир.Экспертнинг аниқлик киритишича, ушбу қоида касалланганлар сони паст бўлган мамлакатларга ҳам, касалланиш даражаси юқори бўлганларига ҳам бир хилда тегишлидир. Райан биринчи бўлиб очилиш жуда қийин эканини айтди, чунки касаллик бошқа мамлакатлардан кўчиб ўтиши мумкин, оқибатда эса касалликнинг яна авж олиши эҳтимоли йўқ эмас.
Мавзуга доир: Коронавирус пандемиясига қарши энг самарали кураш олиб бораётган давлатлар рейтинги тузилди
Нью-Йоркда пандемиянинг тугаши катта концерт билан нишонланади
Август ойида Нью-Йоркдаги Марказий хиёбонда коронавирус пандемиясининг тугашига бағишланган катта концерт бўлиб ўтади.Шаҳар мэри Билл де Блазио 21 августдаги мусиқий шоуга 60 мингдан ортиқ одамни таклиф қилишни режалаштирмоқда. Ҳозирча концертда кимлар чиқиш қилиши расман маълум қилингани йўқ.
«Концерт ватанга қайтиш ҳафталигининг бир қисмига айланади. У Нью-Йоркнинг одатий ҳаётга қайтишини намоён қилади. Ушбу концерт аҳолимиз ва бошқа ҳудудларнинг бизнинг шаҳарга анчадан буён келмаган аҳолиси учун ўзига хос имконият бўлади», — дея қайд этди мер.
Майдон иккита — эмланганлар ва эмланмаганлар учун зоналарга бўлиниши айтилмоқда. Чипталарнинг қарийб 70 фоизи биринчи гуруҳга сотилади.
Изоҳ (0)