5 июнда бутун дунё бўйлаб Бутунжаҳон атроф-муҳит ҳимоя қилиш куни нишонланади. Бу сана атроф-муҳитни ҳимоя қилишнинг муҳимлигини таъкидлаш мақсадида БМТ томонидан эълон қилинган, зеро у инсонлар фаровонлиги ва мамлакатларнинг иқтисодий ривожланишига бевосита таъсир қилади.
БМТ маълумотларига кўра, дунёда ҳар уч сонияда футбол майдонига тенг бўлган ўрмон йўқолади. Охирги юз йиллик ичида одамлар сув ва ботқоқли ерларнинг ярмини йўқ қилди. Олимлар бир неча ўн йиллардан буён сайёрамиз аҳолиси учун ҳақиқий фалокатга олиб келувчи иқлим ўзгариши ҳақида огоҳлантирмоқда.
Eriell Group табиат ва унинг бойликларига эҳтиёткорлик билан муносабатда бўлиш қанчалик аҳамиятли эканини яхши англайди. Шу боис компаниялар гуруҳи атроф-муҳит муҳофазасига нисбатан қатъий халқаро сифат стандартларига амал қилади. Eriell Group ўз ходимлари ва уларнинг оилалари олдидаги ижтимоий масъулияти унинг муҳим тамойили ҳисобланади. Компания фаолият кўрсатаётган ҳудудлар аҳолисининг фаровонлиги даражасини оширишга устувор вазифа сифатида қарайди.
Eriell Group экологик хавфсизликни таъминлашга эътибор беради. Чиқиндиларни минималлаштириш дастури корпоратив сиёсатнинг ажралмас қисми бўлиб, Eriell Group сифатни бошқариш дастурига киритилган.
Лойиҳалар амалга оширилаётган барча объектларда атроф-муҳитга антропоген таъсирни камайтириш мақсадида компания қаттиқ чиқиндилар ҳажмини камайтириш, уни алоҳида йиғиш, тўғри сақлаш ва ифлосланган оқава сувларнинг чиқиб кетишини олдини олиш бўйича иш олиб бормоқда.
Бурғилаш ишларининг атроф-муҳитга салбий таъсирини олдини олиш учун Eriell Group қўшимча коагуляция ва флокуляция блоклари ёрдамида омборсиз бурғилашдан фойдаланади. Улар ишлатилган бурғилаш эритмаларни тиндирилган техник сув ва шламга ажратади. Объектларда бурғилаш эритмалари учун углеводород асосидаги қуриткич ёрдамида вертикал центрифугаларнинг беш босқичли тозалаш тизими ва бошқа экологик хавфсиз технологиялари қўлланилади.
Атроф-муҳит хавфсизлигини таъминлаш ва компаниянинг ишлаб чиқариш объектларида атроф-муҳитни ҳимоя қилиш бўйича профессионал чора-тадбирларни амалга ошириш мақсадида «Бутунжаҳон атроф-муҳит куни» ойлиги давомида 2021 йил 10 майдаги 110-сонли буйруқ чиқарилди. Барча хизматлар, цехлар, бурғилаш ва ҚКТ жамоалари у билан «Атроф-муҳитни саноат чиқиндиларидан ҳимоя қил» шиори остида танишди.
Ойлик давомида компания ишлаб чиқариш объектларида эколог муҳандислар жамоалар ходимлари билан флора ва фаунани муҳофаза қилиш бўйича тушунтириш суҳбатлари ва инструктажлар ўтказди. Яшил майдонлар ободонлаштирилиб, кўчат ва дарахтлар экилди, ишлаб чиқариш майдонлари тозаланди.
Бу чора-тадбирларнинг барчаси ўз мевасини бермоқда, кўплаб объектлар атрофидаги ҳудудлар кўзни қувонтиради. Бир неча йил ичида эса улар гуллаган воҳага айланиши мумкин.
Eriell Group матбуот хизмати
Изоҳ (0)