Эрон ҳарбий денгиз кучларини қўллаб-қувватловчи Kharg кемаси Уммон кўрфази жанубидаги Жаск порти қирғоғида ёнғинга учраб чўкиб кетди. Бу ҳақда иккинчи денгиз зонаси матбуот хизматига таяниб, «РБК» хабар берди.
Денгиз кучлари маълумотларига кўра, ҳарбий кема халқаро сувларда ўқув амалиёти бажараётган пайтда унинг тизимларидан бири ёниб кетган.
«Улар 20 соат давомида ёнғинни ўчиришга ҳаракат қилди, аммо аланга ҳарбий кеманинг турли қисмларига ёйилиб, охир-оқибат кема чўкиб кетди», — дейилади хабарда.
Матбуот хизматининг таъкидлашича, кемада ёнғин бошлангандан сўнг бутун экипаж эвакуация қилиниб, қирғоққа олиб чиқилган. Ёнғиннинг сабаблари ҳали айтилмаган.
#Breaking Iranian Navy vessel "Kharg" is onfire We were able to identify the ship by its characteristics. its a "Logistic Navy ship" that Accompanying another ship, maybe rhe "#Makran" Navy ship. pic.twitter.com/6psplCnjJi
— אינטלי טיימס - Intelli Times (@IntelliTimes) June 1, 2021
Reuters ва Associated Press хабарларига кўра, Kharg Эрон денгиз флотидаги энг катта кема эди. У денгизда бошқа Эрон кемаларини етказиб бериш билан бир қаторда оғир юкларни ташиш билан шуғулланган, шунингдек, вертолётларни учириш нуқтаси бўлган.
Буюк Британияда қурилган Kharg 1977 йилда сувга туширилган. 1984 йилда Эрон денгиз флотига олиб келинган.
Мавзуга доир:
- Ўрта Ер денгизида катта қайиқнинг двигатели портлаши оқибатида камида 45 нафар қочоқ чўкиб кетди
- Россияда синовдан ўтказилаётган балиқчилик кемаси ағдарилиб кетиши оқибатида 2 киши ҳалок бўлди (видео)
- Улкан кема Сувайш каналига тиқилиб қолди, бунинг ортидан нефть нархи кескин ўсди (видео)
- Сувайш каналига тиқилиб қолган кема атрофини қазиш бошланди. Канал атрофида катта тирбандлик юзага келган (фото ва видео)
Изоҳ (0)