Counterpoin Research таҳлилий компанияси дунёда қанча фаол iPhone моделлари борлигини ва уларнинг қайси бири 2021 йилда энг оммалашганини ҳисоблаб чиқди, деб хабар беради Hi-Tech.Mail.ru.
Фото: Hi-Tech.Mail.ru
Маълум қилинишича, iPhone 11 айни вақтдаги энг оммабоп смартфонга айланган — у умумий улушнинг 16 фоизини эгаллаган. Тўлиқ рўйхат қуйидагича:
2020 йил бошида iPhone 7 энг оммабоп қурилма сифатида эътироф этилганди — у бутун Apple смартфонларининг умумий улушини 13 фоизини эгаллаган. Бир йил ичида янги iPhone 11 вазиятни буткул ўзгартириб юбориб, ҳақиқий бестселлерга айланишга улгурган. Ўтган йил натижаларига кўра, у нафақат энг оммабоп iPhone’га балки, энг кўп сотилган смартфонга айланган — ҳатто айрим арзон Android моделлар орасида ҳам.
Шу билан бирга, iPhone 11’нинг рақобатчиси ҳам маълум. Тадқиқотда маълум бўлишича, iPhone 12 модели ўзидан олдинги моделдан муваффақиятлироқ чиққан — 2021 йилнинг биринчи чораги бўйича у бозордаги барча iPhone моделларининг 16 фоиз улушига эгалик қилмоқда. 2020 йилнинг мос даврида iPhone 11 смартфонлари 15 фоизли кўрсаткични қайд этганди.
