Ноқулай ҳолатларда пардоз ашёлари қўл келадиган 12 та лайфхак

Баъзан шундай ноқулай шароитлар юзага келадики, қўлингизда фақат ҳамён ёки пардоз сумкангиз бўлади. Лекин бундай вақтларда шу кичик буюмлар ҳам асқатиши мумкин.

Тирноқ пилкаси — замш пойабзалларни тозалаш учун

Замш пойабзалидаги кирларни каттароқ тирноқ пилкаси ёрдамида осонгина тозалаш мумкин. Доғни пилкада ишқалашнинг ўзи кифоя. Тозалашни қоғоз ёки газета устида қилишни унутманг.

Соч лаки — лаб бўёғидан қолган доғни кетказиш учун

Помада доғига соч лакини сепинг (лекин аввал матони ювиш мумкинлигига ишонч ҳосил қилинг) ва бир неча дақиқага қолдиринг. Лак ўрнини чайиб, ювиб ташланг.

Тирноқ лаки кўзойнак бандларини мустаҳкамлайди

Агар қуёшдан сақловчи кўзойнагингизнинг бандлари бироз бўшашган бўлса, бунда тирноқ лаки ёрдам бериши мумкин. Вақтинча маҳкамлаш учун банднинг ошиқ-мошиғига бир томчи лак томизинг.

Тирноқ лаки кийимингиздаги тугмани сақлаб қолади

Агар кофтангиздаги тугманинг ипи бўшаб, тушиб қолиши мумкин бўлса, тугмани вақтинча маҳкамлаш учун ипга бироз лак тегизиб қўйинг.

Тирноқ лаки колготкаларни йиртилишдан сақлайди

Агар пайпоқ ёки колготкангиз тешилиб қолган бўлса, ўша жойига рангсиз лак суртиб қўйинг.

Вазелин — чигал боғичлар учун

Агар кийим ёки пойабзалдаги боғичлар тугилиб қолган бўлса, уни вазелинга ботирилган пахтали чўп билан ёғланг.

Косметик воситалар йўқ бўлган пайтда ошхонадаги маҳсулотлардан фойдаланамиз.

Бир неча томчи ароқ ёқимсиз ҳиддан халос этади

Агар ҳиди ёқмаган кўйлакни ювишга вақтингиз бўлмаса, идишчага ароқ қуйиб, кўйлакка сепинг. Ароқ қуригач, ҳид йўқолади. Кучли алкоголь ёқимсиз ҳид келтириб чиқарадиган бактерияларни ўлдиради.

Лимон шарбати ва ичимлик содаси — доғлар учун

Аралашма ёрдамида оқ кофта, футболка ва кўйлак қўлтиғидаги сарғайган доғларни кетказиш мумкин. Бунинг учун лимон шарбати ва сода аралаштириб, доғли жойга жойга суртинг. Матони ишқалаб, сувда чайинг ва машинада ювинг. Кучли доғларни кетказишда аралашма суртилган матони ишқалаб, 5 дақиқага қолдиринг. Кейин ювиб ташланг.

Узум сиркаси — чарм буюмни тозалаш учун

Агар чарм пойабзалингиз ёмғир, қор ёки муздан қолган доғлар билан кирланган бўлса, узум сиркаси ёрдам бериши мумкин. Тиш чўткани сиркага ботириб, пойабзал юзасига асталик билан ишқаланг.

Ичимлик содаси пойабзалингиздаги ҳидни йўқ қилади

Машғулотдан сўнг пойабзал ичига бир ҳовуч сода солиб қўйинг, уни бир неча соат ушлаб туринг ва кейин тўкиб ташланг. Сода терни ютади ва барча ёқимсиз ҳидларни йўқ қилади.

 Қизил вино доғини қандай кетказиш мумкин?

Бу жуда оддий — оқ вино ёрдамида. Доғли матони ювишдан олдин бир неча дақиқа давомида оқ винога солинг, ишқаланг, сўнгра одатдагидек ювинг.

Ёғли доғлар учун идиш ювиш воситаси

Юпқа кийимдаги ёғ доғларини кетказиш учун идиш ювиш воситасидан фойдаланинг. Унинг таркиби матога зарар етказмайдиган даражада юмшоқ, ёғ доғини кетказиш учун етарли элементларга эга.