Бугун,

  • USD 11095.31
  • RUB 173.84
  • EUR 10772.44

Россия президентининг матбуот котиби Дмитрий Песков Владимир Путин ва Александр Лукашенконинг Сочида икки кун давом этган музокаралари якунлари ҳақида гапириб берди, деб ёзади Meduza.

Беларусь президенти Александр Лукашенко ва Россия президенти Владимир Путин Сочида икки кунлик учрашув ўтказди. Биринчи кун расмий, иккинчи кун эса норасмий музокараларга бағишланди. Иккинчи куни Лукашенко ва Путин Қора денгизда яхтада овқатланди. Лукашенкога унинг кенжа ўғли Николай ҳамроҳлик қилди.

Беларусь президенти Александр Лукашенко ва Россия президенти Владимир Путин Сочида икки кунлик учрашув ўтказди. Биринчи кун расмий, иккинчи кун эса норасмий музокараларга бағишланди. Иккинчи куни Лукашенко ва Путин Қора денгизда яхтада овқатланди. Лукашенкога унинг кенжа ўғли Николай ҳамроҳлик қилди.
Фото: Россия президенти матбуот хизмати / «ТАСС»

Улар, хусусан, Ryanair самолётининг Минскка фавқулодда қўниши ва бунинг оқибатида Беларуснинг Belavia авиакомпанияси учун жорий қилинган чекловлар, Беларусга Россия кредитининг иккинчи транши ажратилиши, шунингдек, Минскда россиялик Софя Сапеганинг қўлга олинишини муҳокама қилди.

«Россия президенти ташаббуси билан, аввалроқ қўлга олиниб, ҳозирда тергов изоляторида сақланаётган Россия фуқароси мавзуси кўтарилди. Албатта, унинг тақдирига биз бефарқ эмасмиз, аммо унда ҳақиқатан ҳам Беларусда истиқомат учун гувоҳнома борлиги ҳолатини ҳам эътиборга оламиз», — деди Песков. Унинг қўшимча қилишича, Путин Россия Ташқи ишлар вазирлигига «жуда катта эътибор билан» Сапега ишининг тақдирини кузатиб боришни топширган.

Песков, шунингдек, музокараларнинг иккинчи кунида Путин ва Лукашенко денгизда сайр қилганини қўшиб қўйди. Бунинг суратини Лукашенконинг матбуот хизматига алоқадор бўлган «Биринчининг пули» Telegram канали эълон қилди.

Шунингдек, ушбу канал маълум қилишича, Путин ва Лукашенко Россия шаҳарларига Belavia’нинг янги рейсларини очиш бўйича келишувларга эришган.

Лукашенко Сочига 28 май куни учиб келган, Путин билан биринчи кунги учрашув беш соат давом этган эди. Музокараларнинг биринчи куни якунлари ҳақида Кремль хабар бермади.

Бу Александр Лукашенко ва Владимир Путиннинг 2021 йил бошидан буён учинчи юзма-юз учрашувидир. Биринчиси февралда Сочида, иккинчиси — апрелда Москвада бўлиб ўтганди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов