Хоразмда Nexia автомобили ҳайдовчисининг бошқарувни йўқотиши натижасида юзага келган йўл-транспорт ҳодисаси оқибатида тўрт киши ҳалок бўлди. Бу ҳақда «Хоразм» телеканалининг «Жиноят ва адолат» кўрсатувида маълум қилинди.
Маълум қилинишича, 24 май куни соат 17:40 ларда Янгиариқ тумани «Аччиқуйи» маҳалласида яшовчи 39 ёшли фуқаро Nexia-2 автомобилини бошқариб кетаётиб Янгиариқ—Хонқа йўлининг 14-километрида йўл четидаги 6 нафар 11-синф битирувчиларини уриб юборган. Автомобилнинг ўзи эса йўл бўйидаги ариққа ағдарилиб тушган.
Авария оқибатида жабрланувчиларнинг 3 нафари воқеа жойида, яна бир нафари эса шифохонада олган тан жароҳатлари оқибатида вафот этган. Шунингдек, икки нафар ўқувчи шифохонага жойлаштирилган.
Ҳайдовчига нисбатан Жиноят кодексининг 266-модда (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Бухорода содир бўлган ЙТҲда 14 ёшли мактаб ўқувчиси воқеа жойида ҳалок бўлгани, Хоразмда ҳайдовчилик гувоҳномаси бўлмаган 10-синф ўқувчиси бошқарувидаги Lacetti Damas’га урилиши оқибатида уч киши вафот этгани тўғрисида хабар берилганди.
Мавзуга доир:
- Самарқандда ухлаб қолган Cobalt ҳайдовчиси ўзидан олдинги «КамАЗ»га урилиши оқибатида икки йўловчи вафот этди
- Бухорода ўзидан олдинги машинани қувиб ўтмоқчи бўлган Nexia ҳайдовчиси қаршисидан келаётган юк машинасига урилиши оқибатида вафот этди
- Сурхондарёда Damas ва «КамАЗ» тўқнашувида икки киши ҳалок бўлди, 8 ёшли қиз ва яна бир киши оғир тан жароҳатлари олди
Изоҳ (0)