Маданият вазири Озодбек Назарбеков 24 май, душанба куни «Тошкент 5 ташаббус ҳаракати» ёшлар фестивали доирасидаги учрашувда ўзбек киносининг бугунги аҳволи, хорижга чиқиб кетаётган актёрлар борасида берилган саволларга жавоб қайтарди. Бу ҳақда «Дарё» мухбири хабар бермоқда.
«Алишер Узоқов ёки Акбархўжа Расуловлар ўзбек киноси муаммолар гирдобида қолган бир пайтда санъатни тарк этиб бошқа соҳага ўтиб кетишди. Аммо бу икки актёр кетгани сабаб ўзбек киноси жар ёқасида қолди, дейиш нотўғри. Бу икки ёки уч кишига боғлиқ ҳолатмас.
Билганим бўйича, лекин бу аниқ рақамлар эмас, тахминан, ўзбек киноси учун 1 йилда 60-70 миллиард сўм пул ажратилади. Бунинг учун эса 20 га яқин кино ишлаш бўйича давлат буюртмаси бўлган. Аслида эса мана шу 60-70 миллиард сўм битта кино бюджети бўлиши керак. Ана шундагина биз актёрларни ушлаб қолишимиз ва сифатли фильмлар яратишимиз мумкин бўлади.
Ўзбек киносидаги энг асосий камчилик — бу юқорида айтганимдек, бюджетда. Кинога ажратилаётган пуллар салмоғи катта бўлмас экан, бу борада ўзгаришлар бўлиши қийин», — дея таъкидлаб ўтди Назарбеков.
Мавзуга доир:
- Instagram: Туркияга кетиб, бизнес бошлаган Акбархўжа Расулов, «Фаёд» гуруҳи қизлари ҳозир қаерда? Бошдан оёқ кийинишга 8 минг доллар сарфлайдиган Аҳад Қаюм
- Дубайда ишлаётган Алишер Узоқов Президент Шавкат Мирзиёевга мурожаат йўллади (видео)
- Озодбек Назарбеков отаси вафот этгани ҳақидаги гап-сўзларга муносабат билдирди (видео)
Изоҳ (0)