Футбол бўйича Испания Ла Лигасининг сўнгги, 38-туридан ўрин олган ўйинлар 22 май, шанба куни бўлиб ўтди.
«Реал» ўз майдонида «Вильярреал»ни енгди. Ереми Пино биринчи бўлимда ҳисобни очган бўлса, ўйин якунланиши арафасида Карим Бензема ҳисобни тенглаштирди. Қўшимча дақиқаларда эса Лука Модрич мадридликларга ғалаба келтирган голга муаллифлик қилди. Аммо бу ғалаба «қироллик клуби»га чемпион бўлиш учун етарли бўлмади.
«Атлетико М» сафарда «Вальядолид»ни мағлуб этди. «Матрасчилар»нинг голларига Анхель Корреа ва Луис Суарес муаллифлик қилди. Мезбонлардан Оскар Плано ўз номини таблога ёздириб қўйди.
«Барселона» Антуан Гризманнинг ягона голи эвазига «Эйбар»дан устун келди.
Шу тариқа 2020/21 йилги мавсум якунларига кўра «Атлетико» Испания чемпиони бўлди. «Реал» иккинчи ўринни эгаллаган бўлса, «Барселона» кучли учликка якун ясаб берди.
Ла Лига
38-тур баҳслари
22 май, шанба
Изоҳ (0)