Лига 1. Пешқадамнинг очко йўқотганидан фойдаланган «ПСЖ» ўз майдонида йирик ғалаба эришиб, чемпионлик масаласини сўнгги турга қолдирди
Футбол бўйича Франция чемпионатининг 37-туридан ўрин олган ўйинда «ПСЖ» 16 май, якшанба «Реймс»ни қабул қилди.
Беллашув парижликларнинг йирик 4:0 ҳисобидаги ғалабаси билан якунланди. Неймар, Килиан Мбаппе, Маркиньос ва Мойзе Кин ўз ҳисобига биттадан гол ёздириб қўйди.
Мусобақа пешқадами «Лилль» эса ўз майдонида «Сет-Этен» билан дурангга имзо чекди.
Мазкур ғалабадан кейин «ПСЖ»нинг очколари 79 тага етди, «Лилль»нинг ҳисобида 80 очко мавжуд, 3-ўриндаги «Монако» эса 77 очкога эга. Чемпионлик масаласи сўнгги, 38-турда ҳал бўлади.
Лига 1
37-тур баҳслари
16 май, якшанба
«ПСЖ» – «Реймс» 4:0
Голлар: 1:0 – 13, пенальти Неймар, 2:0 – 24 Мбаппе, 3:0 – 68 Маркиньос, 4:0 – 89 Кин.«ПСЖ»: Навас, Дагба (Пембеле, 86), Маркиньос, Керер, Баккер, ди Мария (Сарабия, 77), Данилу Перейра (Паредес, 77), Эррера, Дракслер (Рафинья, 40), Мбаппе (Кин, 77), Неймар.
«Реймс»: Райкович, Абделҳамид, Фоке, Конан, Фас, Кассама, Шавалерен, Мунеци, Кафаро (Зенели, 56), Мбуку (Кутеса, 84), Диа (Туре, 73).
Четлатиш: Абделҳамид (10).
