ОФК Кубоги гуруҳ босқичи 2-тури доирасида бўлиб ўтадиган «Хўжанд» — «Насаф» беллашувидан аввал матбуот анжумани ўтказилди. Унда Қарши клуби бош мураббийи Рўзиқул Бердиев ва ярим ҳимоячи Шерзод Насруллаев иштирок этди.
Ассалому алайкум. «Хўжанд» жамоасини яхши биламиз. Улар иштирокидаги ўйинларни кўрдик, ўргандик. Жамоа ўз чемпионатининг етакчиларидан бири. Эртага керакли натижага эришишмиз учун ўзимизнинг энг яхши ўйинимизни кўрсатишимиз керак бўлади. Футболчиларим эртанги ўйинга тайёр. Ўйлайманки, эртага ижобий натижа ва ажойиб футбол учрашувига гувоҳ бўламиз.Шунингдек, Шерзод Насруллаев ҳам ўйин ҳақидаги фикрлари билан ўртоқлашди.«Насаф»нинг гуруҳда ғолиб бўлиши учун нима халақит бериши мумкинлиги ҳақида
Табиийки рақиблар, асосан мезбонлар. 1-турнинг биринчи бўлимида кўплаб вазиятлар яратдик лекин фойдалана олмадик. Иккинчи бўлимда биринчи голни урганимиздан сўнг барча тинчланди ва жамоа ўз футболини намойиш этишни бошлади. 1-турда кўрсатган ўйинимиз бизнинг энг яхши ўйинимиз эмасди. Биз «Олой» билан бўлиб ўтган ўйинни таҳлил қилиб чиқдик ва футболчиларга учрашувдаги салбий ва ижобий жиҳатларни таъкидлаб ўтдик. Биз эртага ўзимизнинг энг яхши ўйинимизни кўрсатишга ҳаракат қиламиз, аммо мезбонлар бунга йўл бермасликка ҳаракат қилади. Бироқ ижобий натижага эришиш учун энг яхши ўйинимизни намойиш этишимиз керак бўлади.
1-турда «Олой»нинг асосан ҳимояда ўйнагани, «Хўжанд»да эса юқори савияли футболчилар борлиги ҳақида
«Олой» асосан ҳимояга урғу берди, кўплаб ўйинчилар ҳимояда ўйнади. Менимча, «Хўжанд» кўпроқ ҳужум қилади ва олдинга ўтади. Бу биз учун балки фойдага ишлар. Рақиб ҳимоявий ўйнайдими ёки ҳужумкорми фарқи йўқ, бундай баҳсларга тайёр бўлишимиз шарт. Ҳозир фақат «Хўжанд» ҳақида гапиряпмиз, аммо «Олтин Аср» ҳам жуда яхши жамоа. Гуруҳдаги ҳеч бир баҳс осон ўтмайди.
Мусобақа марказлашган ҳолда ўтаётгани ҳақида
Ҳозир пандемия бўлгани учун мусобақа марказлашган ҳолда ўтказилмоқда. Бу ОФК қарори. Бунга кўникиш керак, ОЧЛ баҳслари ҳам шундай ўтди. Олдин ўйинлар уй-сафар тизимида бўларди.
Рўзиқул Бердиев, «Насаф» бош мураббийи
Авваламбор барчага ассалому алайкум дейман. Эртанги ўйин ҳақида гапирадиган бўлсам, барчамиз ўйинга тайёрмиз. Ғалаба қозониб, барча мухлисларимизни хурсанд қиламиз деган умиддаман. «Хўжанд» жамоаси ўйинларини ўрганиб чиқдик, улар ғалаба учун бор кучини бериши аниқ. Лекин биз ҳам ғалаба қозониш учун майдонга тушамиз.Эслатиб ўтамиз, 2-турдан ўрин олган «Хўжанд» — «Насаф» ўйини 17 май куни Тошкент вақти билан соат 21:05 да бошланади.Шерзод Насруллаев, «Насаф» ярим ҳимоячиси
Изоҳ (0)