Ўзбекистон Президенти Шавкат Мирзиёев Россиянинг Қозон шаҳридаги мактабда содир бўлган фожиали воқеа муносабати билан Владимир Путинга ҳамдардлик билдирди. Бу ҳақда Президент матбуот хизмати хабар қилди.
Ҳамдардлик матни қуйида тўлиғича келтирилади.
Россия Федерацияси ПрезидентиЭслатиб ўтамиз, Россиянинг Қозон шаҳридаги (Россия таркибига кирувчи Татаристон Республикаси пойтахти) 175-сонли мактабда 11 май куни эрталаб отишма содир бўлди. Воқеа оқибатида 8 киши ҳалок бўлди. Дастлабки маълумотларга кўра, қуролланган икки киши мактабга бостириб кириб, ўқувчиларга қарата ўқ узган. Кейинроқ ҳужум қилганлардан бири мактаб кираверишида ҳибсга олинган. Мактабдаги отишмадан кейин Путин қуролга эгалик қилиш қоидаларини кучайтиришни буюрди.Владимир Владимирович Путин
Жаноби Олийларига
Ҳурматли Владимир Владимирович!
Фожиали воқеа — Қозон шаҳридаги мактабда содир бўлган отишма оқибатида бегуноҳ болалар ва ёши катталар ҳалок бўлгани ҳақидаги хабар мени чуқур қайғу ва ларзага солди.
Ҳеч қандай важ билан оқлаб бўлмайдиган ушбу мудҳиш зўравонлик ҳаракатини қатъий қоралаймиз.
Сизга, қурбон бўлганларнинг ота-оналари ва яқинларига самимий ҳамдардлик изҳор этаман ҳамда жароҳат олганлар тез фурсатда шифо топишларини тилайман.
Ушбу мусибатли дамларда Ўзбекистоннинг кўпмиллатли халқи Россия халқи учраган жудоликки қайғудошдир.
Ҳурмат билан,
Шавкат Мирзиёев,
Ўзбекистон Республикаси Президенти
Изоҳ (0)