«Реал» бош мураббийи Зинедин Зидан Испания чемпионати 35-тури доирасида «Севилья»га қарши кечган ўйиндан (2:2) кейин бош ҳакам Хуан Мартинес Мунуэранинг қарори ҳақида гапирди.
Мен ҳеч нарсани тушунмадим. Агар Милитаода қўл билан ўйнаш ҳолати қайд этилган бўлса, ундан аввал «Севилья»да ҳам худди шундай вазият бўлганди.Иккинчи бўлимда мадридликлар футболчиси Карим Бензема рақиб дарвозабони билан бирга бир вазиятга чиқиб борган вақтда қўполлик билан тўхтатилди ва ҳакам 11 метрлик нуқтани кўрсатди. Бироқ видеотакрорлардан кейин ҳакам бундан аввалги ҳужумда тўп Эдер Милитаонинг қўлига теггани боис «Реал» дарвозаси томон пенальти белгилади. Уни Иван Ракитич голга айлантирди.Ҳакамнинг изоҳлари мени ишонтира олмади. Мен ҳеч қачон ҳакамлар ҳақида гапирмаганман, бироқ бугун жаҳлим чиқди.
Нима бўлишидан қатъи назар ўтган иш ўтди. Биз ҳеч нарсани ўзгартирмоқчи эмасмиз. Ўз ўйинимиздан қониқяпмиз, бироқ яхшироқ натижага лойиқ эдик, сабаби иккинчи бўлимни тажовузкор ўтказдик.
Мен ортиқ ҳакамлик ҳақида гапирмоқчи эмасман. Бу вазиятга ҳеч қанақасига тушунтириш бўлмайди ва бу мени безовта қилади. Ҳакам менга қоидаларни тушунтирсин, бори шу.
Биз охиригача курашимиз. Қолган учта ўйин ҳақида ўйлашимиз зарур. Жаҳлим чиқяпти, чунки биз ғалабага муносиб эдик.
VAR? Мен футболга ишонаман. Шуни айтмоқчиманки, тўп қўлга тегишига оид иккита вазият бўлди, бироқ пенальти бизнинг дарвозамиз томон қўйилди.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)