Мексика пойтахти Мехико шаҳрида содир бўлган метро кўприги қулаб тушишига конструкциянинг шикастланиши сабаб бўлган. Бу ҳақда шаҳарнинг инфратузилма лойиҳалари ва хизматлари бошқармаси раҳбари Хесус Эстева ўз интервьюсида айтиб ўтди, деб ёзади «РБК».
«Аварияга конструктуравий қисмлар таркибий тузилишига зарар етиши сабаб бўлганига шубҳа йўқ. Яъни металл конструкциялар, хусусан, юқори қисми бетон элементларидан иборат металл тўсинларни назарда тутяпман», — дея ўз фикрини баён қилди бошқарма вакили.
Шу билан бирга, 27 кишининг ҳаётига зомин бўлган фожианинг аниқ сабаби Норвегиянинг ДНВ компанияси мутахассислари билан биргаликда прокуратура томонидан аниқланиши қайд этиб ўтилди.
Эслатиб ўтамиз, маҳаллий вақт билан 3 май куни 22:30 да (Тошкент вақти билан 4 май 08:30) Мексика пойтахтида 12-метро линияси кўприги поезд ўтиб кетаётган пайтда қулаб тушган. Ҳодисага метро кўприги устунларидан бирига автомобиль келиб урилиши сабаб бўлган.
Шаҳар мэри Клаудия Шейнбаумнинг баёнотига асосланиб, El Universal нашри ҳодисада ҳалок бўлганлар сони 27 кишига етгани ҳақида хабар берди. Ундан аввал шаҳар мэри қурбонлар сони 23 кишига етгани, улар орасида вояга етмаганлар ҳам борлиги тўғрисида баёнот берган эди.
Мексикада метро ҳалокати қурбонлари хотирасига уч кунлик мотам эълон қилинди. 7 майга қадар давлат байроқлари ярим туширилган ҳолда бўлади.
Мавзуга доир:
- Мехикода метро кўприги поезд билан бирга қулаб тушди, 13 киши ҳалок бўлиб, 70 киши жабрланди (видео)
- Мехикода метро кўприги қулаши оқибатида ҳалок бўлганлар сони 23 кишига етди (фото)
- Қоҳирада 9 қаватли бино қулаб тушди, 22 киши ҳалок бўлди (фото)
- Ҳиндистондаги стадионда 1,5 минг томошабин ўтирган трибуна қулаб тушди (видео)
Изоҳ (0)