Интернетда Long Boy лақабли улкан ўрдакнинг сурати вирус каби тарқалди. Йорк университети кампусида яшайдиган қуш ижтимоий рекламаларда суратга тушади

29 апрель куни Twitter’да даниялик ёзувчи Дик Кинг-Смитга бағишланган саҳифада бўйи бир метрдан ортиқ бўлган дунёдаги энг баланд ўрдакнинг сурати эълон қилинди.

Scopes нашрининг аниқлашича, суратда Long Boy («Узун болакай») лақабли 70 сантиметрлик ўрдак тасвирланган. Ушбу нар ўрдак «ҳинд чопқири» номли турдан кўпайтирилган. Бу каби қушлар пингвинлар каби орқа панжаларига таяниб тура олади, бироқ олдинги юрмайди, балки чопади.

Long Boy бир неча йилдан буён Йорк университети кампусининг ҳудудида яшаб келади. Қушнинг Instagram’да ўз саҳифаси бор бўлиб, талабалар ва университет ўқитувчилари унинг ҳаётига оид постларни жойлаштириб боради.

2020 йилнинг кузида талабалар иттифоқи Long Boy’ни «Сувда сузадиган энг яхши қуш» теб топган бўлса, орадан ярим йил ўтгач, қуш университет олдидаги хизматлари учун фахрий даражага эга бўлган.

Қуш ҳатто коронавирусга қарши кураш бўйича университет кампаниясида иштирок этган, аммо Long Boy’га ҳақиқий машҳурлик апрель охирида келган. Ўшанда ўрдак мамлакат қаҳрамонига айланган эди.

Ўрдакка футбол бўйича Англия терма жамоасининг собиқ ҳужумчиси Питер Крауч ҳам эътибор қаратган, унинг бўйи икки метрдан ошади. Крауч тарихдаги энг баланд бўйли футболчилардан ҳисобланади. «Менинг ўрдагим», — деб ёзади футболчи.