Римда пицца тайёрлайдиган ҳамда сотадиган қурилма пайдо бўлди, деб ёзади «Российская газета».
Италиянинг Балоня маркази майдонларининг бирида оддий савдо автоматига ўхшаган «Мr.Gо.Pizza» деб номланган қурилма пайдо бўлди. Пиццамат яратувчиси уни қандай ишлаши ҳақидаги видео билан бўлишган. Қурилманинг ичида миксер мавжуд бўлиб, ўзи сув ва ундан хамир тайёрлайди. Сўнгра уни текис ва думалоқ шаклда ёйиб, харидор танлаган маҳсулотларни хамир юзасига жойлаштиради ва 380 даражада пиширади. Тайёр бўлгач қутига солиб, харидорга топширади. Пиццанинг тайёр бўлиши учун умумий уч дақиқа вақт кетади.
Шунингдек, пицца тайёрловчи қурилма тўртта вариантни таклиф қилади: «Маргарита», «Тўрт пишлоқ», «Иблис» ва «Панчетта». Пиццанинг нархи 4,5-6 еврогача бўлиб, Римда оддий пиццаларнинг нархи бундан икки баравар юқори.
Таъкидланишича, ушбу янгилик маҳаллий аҳолининг барчасига ҳам ёқмаган. Уларнинг фикрига кўра, бу каби пиццаматлар кўплаб ресторанларнинг ёпилишига сабаб бўлиши мумкин.
Мавзуга доир:
- Австралиялик балиқчилар қарийб 300 килограмм келадиган тунец балиғини тутди
- Америкалик аёл эри фастфуддан пул тежаши учун унга сендвич тайёрлаб берган. Бироқ у яширин бизнесни йўлга қўйган — сендвичларни сотиб, фастфуд олиб еган
- Таиланддаги ресторанларнинг бирида 45 йилдан буён тўхтовсиз равишда гўштли рагу пиширилади
Изоҳ (0)